მიხეილ ელბაქიძე

დაბადების ადგილი: სოფელი ელბაქიანი, ქარელის რაიონი.

დაამთავრა თბილისის მეტალურგიული ტექნიკუმი 1951 წელს; კიევის საერთო სჯარისო სასწავლებელი 1955 წელს; მ. ფრუნზეს სახელობის სამხედრო აკადემია 1965 წელს.

1955-1962წწ. მსახურობდა ბალტიისპირეთის სამხედრო ოლქში; 1965 წლიდან მეთაურობდა კარპატისპირეთის სამხედრო ოლქის მოტომსროლელ ბატალიონს, 1967 წლიდან პოლკს; 1952-1976წწ. მუშაობდა დივიზიის შტაბის უფროსად; 1984-1992წწ. იყო საქართველოს სამოქალაქო თავდაცვის შტაბის უფროსი; 1992-1994წწ. საქართველოს თავდაცვის სამინისტროს შტაბის უფროსის მოვალეობის შემსრულებელი, თავდაცვის სამინისტროს სამხედრო მრჩეველი; 1994 წლიდან თადარიგშია; მიღებული აქვს საბრძოლო ჯილდოები; გენერალ-მაიორი (1982), გენერალ-ლეიტენანტი (1988).

წყარო: საქართველო: ენციკლოპედია: ტ.2. - თბ., 2012. - გვ.615