არკადი ელბაქიძე

1906 წლიდან რუსეთის პირველი რევოლუციის დროს გლეხთა შეიარაღებულ გამოსვლებში მონაწილეობის გამო ორჯერ იყო დაპატიმრებული, მაგრამ ორჯერვე გაიქცა; 1912 წელს ნოვოჩერკასკში ჩადენილი დანაშაულის გამო (ე. წ. ექსპროპრიაციაში მონაწილეობა) სამუდამო პატიმრობა მიესაჯა; 1917 წლის თებერვლის რევოლუციის შემდეგ საქართველოში დაბრუნდა.  მონაწილეობა მიიღო ბოლშევიკთა მიერ ინსპირირებულ გლეხთა გამოსვლებში; ამის გამო საქართველოს მენშევიკურმა მთავრობამ გაასახლა ჩრდილოეთ კავკასიაში, სადაც თერგის საბჭოთა რესპუბლიკის საგანგებო კომისიაში მუშაობდა; რუსეთის მოხალისეთა სარდლობასთან ურთიერთიბის გამწვავებისა და პროვოკაციის მიზნით 1919 წლის 13 სექტემბერს მან ყუმბარა ესროლა თბილისში ვერის დაღმართზე მიმავალ გენერალ-ლეიტენანტ ი. ოდიშელიძის ავტომანქანას, რომელშიც იჯდა კავალერიის გენერალი ნ. ბარათაშვილი (ბარათოვი); იგი მოხალისეთა არმიის სარდლის, გენერალ ა. დენიკინის სახელით სამშვიდობო მოლაპარაკებას აწარმოებდა საქართველოს მთავრობასთან; ამ აქტის შედეგად გენერალი ბარათაშვილი და გენერალი ოდიშელიძე დაიჭრნენ; ტერორისტმა მიმალვა სცადა, მაგრამ საპასუხო სროლის შედეგად სასიკვდილოდ დაჭრილი მდინარე მტკვარში ჩავარდა და დაიღუპა. ბოლშევიკი, ტერორისტი.

წყარო: საქართველო: ენციკლოპედია: ტ.2. - თბ., 2012. - გვ.614; archive.ge

• 1928 - წითელი დროშის ორდენი (გარდაცვალების შემდგომ)