ელენე თარხნიშვილი

დაბადების ადგილი: ქ. თბილისი.

დაამთავრა წმინდა ნინოს სასწავლებელი 1897 წელს (ოქროს ჯვრით).

ვოკალურ ხელოვნებას ეუფლებოდა: თბილისში, პედაგოგი ი. რატილი, 1905–1907წწ. სანქტ–პეტერბურგში, პედაგოგი კ. ფან–დარკი (ფორტეპიანო); 1908 წელს გაემგზავრა იტალიაში, სადაც ვოკალურ ხელოვნებას სრულყოფდა პედაგოგ ე. დოტის ხელმძღვანელობით; 1910 წელს დოტის მეგობარმა, კომპოზიტორმა პიეტრო მასკანიმ ელენე თარხნიშვილი მიიწვია აშშ–ში თავის ოპერაში "სოფლის პატიოსნება" მთავარი პარტიის შესასრულებლად; 1911 წლიდან გამოდიოდა იტალიისა და ევროპის სხვადასხვა საოპერო სცენაზე; მისი მეუღლე იყო ცნობილი საოპერო მომღერალი (ტენორი) და დირიჟორი დე ვიტა; ელენე თრხნიშვილი იტალიაში მეუღლის გვარით მოღვაწეობდა; მილანში დააარსა სალონი (1953 წლამდე იარსება), სადაც იკრიბებოდნენ ხელოვანები, საუკუნის წარმომადგენლები: პ. მასკანი, ე. კარუზო, ტ. რუფფა, ფ. შალიაპინი, იტალიაში მოღვაწე ქართველი მუსიკოსები: ვ. სარაჯიშვილი, დ. აკოფაშვილი, ს. ინაშვილი, მ. ნანობაშვილი (მ. დარიალი), ვ. ქაშაკაშვილი; 1923 წლამდე მღეროდა მილანის თეატრ "Teatro Carcano"–ში; 1924 წელს მილანში გახსნა ვოკალური სკოლა (1956 წელს დაიხურა); მან მრავალი წარმატებული ვოკალისტი აღზარდა; 1911–1912წწ. გაიმართა მისი გასტროლები თბილისის საოპერო სცენაზე ("ტრავიატა", "რიგოლეტო", "ბოჰემა"); კონცერტებს მართავდა: ქუთაისი, ბაქო, პეტერბურგი; 1911 წელს გასტროლები გამართა საფრანგეთსა და აშშ–ში; საქართველოში აღარ დაბრუნებულა; საოპერო მომღერლი, კოლორატურული სოპრანო.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 194