სანდრა რულოვსი

დაბადების ადგილი: ქ. ტერნეუზენი, ნიდერლანდები.

დაამთავრა ბრიუსელის(ბელგია) თარჯიმანთა და მთარგმნელთა სახელმწიფო ეკონომიკური ინსტიტუტი ფრანგული და გერმანული ენების სპეციალობით 1991 წელს; სტრასბურგის(საფრანგეთი) ადამიანის უფლებათა საერთაშორისო ინსტიტუტი.

1996 წლიდან მუშაობდა საქართველოში წითელი ჯვრის საერთაშორისო კომიტეტის საზოგადოებასთან ურთიერთობის კონსულტანტად და ნიდერლანდების საპატიო კონსულის თანაშემწედ, 1997 წლიდან კი ჰოლანდიის რადიოს კორესპონდენტად; 1998 წელს დააარსა საქველმოქმედო-ჰუმანიტარული ფონდი SOCO; 1999-2003წწ. კითხულობდა ლექციებს თბილისის სახელმწიფო უნივერსიტეტის რომანული ენების კათედრაზე; 2005 წელს ჰოლანდიურ ენაზე გამოიცა მისი ავტობიოგრაფიული წიგნი "საქართველოს პირველი ლედი-იდეალისტის ნაამბობი", რომელიც იმავე წელს ითარგმნა ქართულად, ხოლო 2006 წელს - უკრაინულად; 2004 წლიდან სათავეში უდგას საქართველოში შიდსთან, ტუბერკულოზთან და მალარიასთან ბრძოლის გლობალური ფონდის პროექტების საკოორდინაციო საბჭოს; 2005 წლიდან არის საერთაშორისო მოძრაობის-"შევაჩეროთ ტუბერკულოზი" ელჩი და გაეროს მოსახლეობის ფონდის(UNFPA) კეთილი ნების ელჩი. 2007 წელს  დააფუძნა პირველი კლასიკური მუსიკის რადიოსადგური "მუზა". ლინგვისტი.

წყარო: თავისუფლების დღიურები, 2006 : რადიო "თავისუფლების" პროექტი. - თბ.,.- 2007. გვ.299

• საქართველოს პირველი ლედი : იდეალისტის ნაამბობი (ავტორი). - თბილისი, Link(შპს "სეზანი"), 2013. - 320გვ.. - ISBN: 978-9941-0-5452-5