თამაზ თურმანიძე

დაამთავრა საქართველოს სასოფლო-სამეურნეო ინსტიტუტის მეხილეობა-მევენახეობის ფაკულტეტი 1957 წელს. 1957-1961წწ. გაიარა ასპირანტურის კურსი.

1961-1974წწ. ამიერკავკასიის ჰიდრომეტეოროლოგიური ინსტიტუტის მეცნიერ თანამშრომელი; 1974-1983წწ. საქართველოს ჰიდრომეტეოროლოგიური სამსახურის ხელმძღვანელი; 1984-1989წწ. სსრკ მეცნიერებისა და ტექნიკის სახელმწიფო კომიტეტთან არსებული საერთაშორისო პროექტების ცენტრის თანამშრომელი; 1989-1991წწ. საქართველოს სოფლის მეურნეობის მეცნიერებათა აკადემიის მებაღეობის, მევენახეობისა და მეღვინეობის სამეცნიერო-კვლევითი ინსტიტუტის განყოფილების გამგე; 1991-2000წწ. საქართველოს სოფლის მეურნეობის მეცნიერებათა აკადემიის აგროეკოლოგიის სამეცნიერო-კვლევითი ინსტიტუტის დირექტორი; 2000 წლიდან ჰიდრომეტეოროლოგიის სახელმწიფო დეპარტამენტის თავმჯდომარის მოადგილე. ავტორია 100-ზე მეტი სამეცნიერო ნაშრომის, მათ შორის 5 მონოგრაფიისა. არის ერთი გამოგონების თანაავტორი, მსოფლიო მეტეოროლოგიური ორგანიზაციის აგრომეტეოროლოგიური კომისიის წევრი. იკვლევს ბუნებრივ გარემოზე აგროსამრეწველო კომპლექსის ზემოქმედების მონიტორინგის ორგანიზაციის პრობლემებს. მიღებული აქვს სახელმწიფო ჯილდოები. აგროეკოლოგი, მეცნიერებათა დოქტორი, პროფესორი.

საკანდიდატო დისერტაციის თემა - "ვაზის ფესვთა სისტემის რეგენერაცია ქლოროზის გამოვლინების პირობებში", დაიცვა 1963 წელს; სადოქტორო დისერტაციის თემა - "კლიმატი და ვაზის მოსავლიანობა", დაიცვა 1983 წელს.

წყარო: თბილისი – ენციკლოპედია. – თბ., 2002 – გვ. 269; საქართველო: ენციკლოპედია: ტ. IV. -თბ., 2018. -გვ.127; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.137

• ორგანული მიწათმოქმედების საერთაშორისო ფედერაცია, წევრი
• საქართველოს აგროეკოლოგიური საზოგადოება, პრეზიდენტი (1991-)
• საქართველოს სოფლის მეურნეობის მეცნიერებათა აკადემია, წევრ–კორესპონდენტი (1992-)

• 2002 - ღირსების ორდენი
• 1982 - ხალხთა მეგობრობის ორდენი

• კლიმატი, სტიქია და სასურსათო უშიშროება (ავტორი). - თბილისი, უნივერსალი, 2010. - 238გვ.
• საქართველოს სასურსათო უშიშროების ეკოლოგიური პრობლემები (თანაავტორი). - თბილისი, 2006. - 270გვ.
• ვაზის ეკოლოგია : მონოგრაფია (ავტორი). - თბილისი, ბაკურ სულაკაურის გამ-ბა, 2003. - 495გვ.