ზურაბ ელიზბარაშვილი

დაბადების ადგილი: ქ. ბორჯომი.

დაამთავრა საქართველოს სასოფლო-სამეურნეო ინსტიტუტი 1960 წელს.

1960-1976წწ. იყო საქართველოს სოფლის მეურნეობის მექანიზაციისა და ელექტრიფიკაციის ინსტიტუტის უფროსი მეცნიერ-მუშაკი, ეკონომიკის განყოფილების გამგე; 1976-2006წწ. საქართველოს სახელმწიფო აგრარული უნივერსიტეტის ეკონომიკური კიბერნეტიკის კათედრის გამგე; 2006 წლიდან პროფესორ-კონსულტანტია; მისი სამეცნიერ შრომები ეხება სოფლის-მეურნეობის წარმოების მექანიზაციისა და ელექტრიფიკაციის ეკონომიკურ-ორგანიზაციულ პრობლემებს, საწარმოო და ეკონომიკურ სიტუაციათა ოპტიმიზაციის საკითხებს; აგრარიკოს-ეკონომისტი; ეკონომიურ მეცნიერებათა დოქტორი (1954), პროფესორი (1986).

წყარო: საქართველო: ენციკლოპედია: ტ.2. - თბ., 2012. - გვ.645; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.119

• 1999 - ღირსების ორდენი
  საქართველოს აგროსამრეწველო კომპლექსის დარგებისათვის მაღალკვალიფიციური კადრების მომზადებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვის

• მათემატიკური დაპროგრამება და სოფლის მეურნეობაში საწარმოო სისტემების ეკონომიკურ-მათემატიკური მოდელირება (ავტორი). - თბილისი, განათლება, 1991. - 288გვ. . - ISBN: 5-505-00664-7
• ტექნიკის გამოყენების ეკონომიკური ეფექტიანობის მაჩვენებლების განსაზღვრა სამთო მიწათმოქმედების პირობებში (ავტორი). - თბილისი, 1983. - 30გვ.