ვლადიმერ ელისაშვილი

დაბადების ადგილი: ოლოვიანაია, ჩიტას ოლქი, რუსეთი.

დაამთავრა ლენინგრადის სახელმწიფო უნივერსიტეტის ბიოლოგიის ფაკულტეტი 1970 წელს.

1983-1989წწ. მუშაობდა ს. დურმიშიძის სახელობის ბიოქიმიისა და ბიოტექნოლოგიის ინსტიტუტში უფროს მეცნიერ თანამშრომლად; 1989 წლიდან ამავე ინსტიტუტის მცენარეული სუბსტრატების ბიოკონვერსიის ლაბორატორიის ხელმძღვანელია; მისი კვლევის ძირითადი მიმართულებაა: უმაღლესი ბაზიდიომიცეტების ფიზიოლოგია, ბიოქიმია, ბიოტექნოლოგია; ლიგნოცელულაზური ფერმენტების ბიოსინთეზი; ბიოლოგიურად აქტიური ნაერთების წარმოქმნა მცენარეული ნედლეულის ბიოკონვერსიის გზით; იაფი კონკურენტუნარიანი ტექნოლოგიების შემუშავება; ბიოლოგიურ მეცნიერებათა დოქტორი (1993), პროფესორი (1996).

წყარო: საქართველო: ენციკლოპედია: ტ.2. - თბ., 2012. - გვ.648