თამარა თუმანოვა

დაბადების ადგილი: ქ. სანტა-მონიკა, კალიფორნია (აშშ).

გაიზარდა და ახალგაზრდობის წლები გაატარა პარიზში, სადაც სწავლობდა მუსიკალურ სკოლაში, პრეობრაჟენსკაიას საბალეტო სტუდიაში; 1929 წელს დებიუტი შედგა პარიზში "Evantail de Jeanne" საბალეტო სცენაზე; მოღვაწეობდა საბალეტო ჯგუფში "Baby Balerinas"; 1932 წელს ჯ. ბალანჩინმა დასში "Basil Ballet" - "Russes de monte Carlo" სპეციალურად მისთვის დადგა საბალეტო სპექტაკლი "Cotton", სადაც მიაკუთვნა გოგონას წამყვანი პარტია; მისთვის საბალეტო სპექტაკლებს დგამდნენ ჯორჯ ბალანჩინი, სერჟ ლიფარი, ლეონიდ მიასინი, ბრონისლავა ნიჟინსკაია, ვლადიმირ უხტომსკი, მიხეილ ფოკინი, ჯორჯ ზორიჩი, დევიდ ლიჩინი; 1939 წელს დასახლდა აშშ-ში, სადაც თანამშრომლობდა მონტე კარლოს საბალეტო დასებთან: "St. James theatre", "San Francisco Civil Balet", "New York City Ballet"; 1939 მონაწილეობა მიიღო ბროდვეის მიუზიკლში "Stars In Your Eyes"; ამავე დროს მონაწილეობდა მსოფლიო საგასტროლო ტურნეებში, წარმატებები ჰქონდა მსოფლიო ცნობილ საბალეტო სცენებზე - "American Ballet Theatre" (1944, 1945), "th Paris Opera Ballet" (1947, 1950), "De Cuevas Company" (1949), "ლა სკალა" (1951, 1952); აგრეთვე ლონდონის საბალეტო ხელოვნების ფესტივალზე(1952, 1954); იყო კინომსახიობი, გადაღებულია რეჟისორ ჟ. ტერნერის, ა. ხიჩკოკის, ბ. უაილდერის, ჯ. კელის, მ. ლაიზენის, ს. დონენის მხატვრულ კინოფილმებში; მისი პარტნიორები იყვნენ მსოფლიო კინოს ვარსკვლავები: გ. პეკი, პ. ნიუმენი; მონაწილეობდა კინოფილმ "Deys of Glory" (1944, პარტნიორობა გაუწია გრეგორი პეკს მის სადებიუტო როლში 1943 წელს); მას ამერიკული ბალეტის "შავ მარგალიტს" უწოდებდნენ.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 210