გია იაშვილი

დაბადების ადგილი: ქ. თბილისი.

დაამთავრა ქ. ვენის მუსიკალური აკადემია.

ვიოლინოს დაკვრას ეუფლებოდა პაპის - ლ. იაშვილის, დედის - ნ. იაშვილის ხელმძღვანელობით; 1998 წლიდან სწავლა გააგრძელა კიოლნის(გერმანია) Muzikhohschule-ში, პედაგოგი ზ. ბრონი(ვიოლინო); 2006 წლიდან არის ლ. მააზელის ორკესტრის კონცერტმაისტერი, პარალელურად 2006 წლიდან ზ. მეტას საოპერო ორკესტრის კონცერტმაისტერი; 2007 წლიდან სიმებიანი კვარტეტის წევრი; მის მიერ დაარსებულია კამერული ორკესტრი "Solistes des arts"; გასტროლებით მოგზაურობს: აშშ, გერმანია, რუსეთი, საქართველო; მიღებული აქვს ბრამსის სახელობის კონკურსის (ავსტრია) II ხარისხის პრემია (2001). მევიოლინე და პედაგოგ ლუარსაბ იაშვილის შვილიშვილი, მევიოლინე ნ. იაშვილის ვაჟიშვილი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 216