ირინე იაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1964 წელს(სავიოლინო), მოსკოვის სახელმწიფო კონსერვატორია.

1959-1964წწ. იყო ვ. სარაჯიშვილის სახელობის თბილისის სახელმწიფო კონსერვატორიის საოპერო სტუდიის ორკესტრის კონცერტმაისტერი; 1966-1973წწ. საქართველოს სახელმწიფო კამერული ორკესტრის სოლისტი; 1964-1993წწ. ვ. სარაჯიშვილის სახელობის თბილისის სახელმწიფო კონსერვატორიის პედაგოგი (ვიოლინო), 1992 წლიდან პროფესორი; 1994 წლიდან მოღვაწეობს საზღვარგარეთ (იუგოსლავია, თურქეთი); 1994-2012წწ. ქ. ნოვი-სადი (იუგოსლავია) ხელოვნების აკადემიის პროფესორი, 2012 წლიდან ქ. ადანის (თურქეთი) კონსერვატორიის პროფესორი; ქართული რეპერტუარი: დ. ჩხეიძე "კონცერტინო", ა. შავერზაშვილი "ფანტაზია" ვიოლინოსა და ფორტეპიანოსათვის (1972, პირველი შესრულება), ა. შავერზაშვილი საფორტეპიანო ტრიო N3 (1979, პირველი შესრულება); სხვა რეპერტუარი, კონცერტები: ჩაიკოვსკი, ვივალდი, ბრამსი; გასტროლები: საქართველო, რუსეთი, ნიდერლანდები, გერმანია, იუგოსლავია; ცნობილი მევიოლინე და პედაგოგ ლუარსაბ იაშვილის ქალიშვილი, მევიოლინეების მარინე და ნანა იაშვილების და; მევიოლინე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 216; საქართველო: ენციკლოპედია: ტ. IV. -თბ., 2018. -გვ.175

• 1975 - მუსიკოს-შემსრულებელთა საკავშირო კონკურსი (მოსკოვი)
• 1970 - საქართველოს დამსახურებული არტისტი
• 1961 - ამიერკავკასიის მუსიკოს-შემსრულებელთა კონკურსი, დიპლომი და I ხარისხის დიპლომი (ბაქო)
• 1961 - მუსიკოს-შემსრულებელთა საკავშირო კონკურსი (მოსკოვი)