ჩიტო კაკაბაძე

დაბადების ადგილი: სოფელი კუხი, ხონის რაიონი.

ქართული ცეკვის ხელოვნებას ეზიარა სოხუმის სახელმწიფო პედაგოგიური ინსტიტუტის თვითმოქმედ ქორეოგრაფიულ კოლექტივში მოცეკვავე თ. დავითაიას ხელმძღვანელობით. 1942 წლიდან იგი აფხაზეთის სიმღერისა და ცეკვის ანსამბლის მოცეკვავე -მსახიობად მიიწვიეს (ლოტბარი კ. გეგეჭკორი, ქორეოგრაფი გ. ვაშაკიძე, ი. ციმაკურიძე).  1962 წლიდან სათავეში ჩაუდგა საქართველოს სუბტროპიკული მეურნეობის სოხუმის ინსტიტუტის  თვითმოქმედ ქორეოგრაფიულ ანსამბლს. მიხეილ კაკაბაძის მიერ დადგმული ცეკვებიდან აღსანიშნავია: "ნაბდურა", "სატრფიალო", "მთიულური", "აფხაზური". აღიარებულია "ქართულისა" და "მთიულურის" საუკეთესო შემსრულებლად. საქართველოს ახალგაზრდობის ფესტივალის ოთხგზის გამარჯვებული მოცეკვავე, საუკეთესო შესრულებისთვის რესპუბლიკურ კონკურსზე დაჯილდოვდა ვერცხლის სამკერდე ნიშნით (1962).

წყარო: ქართული მუსიკის ენციკლოპედიური ლექსიკონი. – თბ., 2015. – გვ.233; აფხაზეთის ავტონომიური რესპუბლიკის განათლებისა და კულტურის სამინისტრო: zh-cn.facebook.com; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.78

• 2014 - საქართველოს ქორეოგრაფიის ბრწყინვალების ორდენი
  ქორეოგრაფიული ხელოვნების განვითარების საქმეში შეტანილი დიდი წვლილისათვის
• 2002 - ღირსების ორდენი
• 1958 - აფხაზეთის ავტონომიური რესპუბლიკის დამსახურებული არტისტი