ნინო კალანდაძე-მახარაძე

დაბადების ადგილი: სოფელი გვიმბალაური, ლანჩხუთის რაიონი.

დაამთავრა თბილისის I მუსიკალური სასწავლებელი 1976 წელს (საფორტეპიანო), ვ. სარაჯიშვილის სახელობის თბილისის სახელმწიფო კონსერვატორია 1983 წელს (ფოლკლორი).

1986 წლიდან ვ. სარაჯიშვილის სახელობის თბილისის სახელმწიფო კონსერვატორიის ქართული ხალხური შემოქმედების მიმართულების ლაბორანტი, მეცნიერ-თანამშრომელი, მოწვეული ლექტორი; ქალთა ფოლკლორული ანსამბლების "მზეთამზე"-ს, "გეორგიკა"-ს (ქალთა ჯგუფი), ბათუმის ქალთა ფოლკლორული ანსამბლ "აიდიო"-ს წევრი; თბილისის ილიას სახელობის უნივერსიტეტის მეცნიერებათა და ხელოვნების ფაკულტეტის ასოცირებული პროფესორი, მუსიკოლოგიის დოქტორი; ეთნოგრაფიული ექსპედიციების მონაწილე; გასტროლები: ფინეთი, ინგლისი, ესპანეთი (ანსამბლ "მზეთამზესთან" ერთად); ეთნომუსიკოლოგი.

სადოქტორო დისერტაციის თემა - "ქართული "აკვნის ნანა"; ჟანრის, სემანტიკისა და არტიკულაციის საკითხები", დაიცვა 2010 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 235; ტრადიციული მრავალხმიანობის კვლევის საერთაშორისო ცენტრი: polyphony.ge