ივანე ბოლქვაძე

დაბადების ადგილი: სოფელი სამღვთო,  ოზურგეთის რაიონი.

სოფლის დაწყებითი სკოლის დამთავრების შემდეგ 15-16 წლის ჭაბუკი წავიდა ბათუმში, სადაც მოეწყო მოსწავლედ სტამბაში. 1899 წელს გაემგზავრა თბილისში და მუშაობა დაიწყო ლიბერმანის სტამბაში. აქტიურად მონაწილეობდა რევოლუციურ საქმიანობაში. საქართველოში საბჭოთა ხელისუფლების დამყარების შემდეგ მუშაობდა სხვადასხვა პარტიულ სამუშაოზე. 1928–1930წწ. იყო თბილისის საქალაქო საბჭოს აღმასკომის თავმჯდომარე. შემდეგ მუშაობდა სხვადასხვა ხელმძღვანელ სამეურნეო თანამდებობებზე. 1931-1937წწ. საქართველოს სსრ უზენაესი სასამართლოს თავმჯდომარე. დაიღუპა ბოლშევიკურ-ტოტალიტარული რეჟიმის სტალინური რეპრესიების შედეგად. სიკვდილის შემდგომ რეაბილიტირებულია.

წყარო: თბილისი – ენციკლოპედია. – თბ., 2002 – გვ.347; საქართველოს უზენაესი საქართველი: supremecourt.ge