მარია იუდინა

დაბადების ადგილი: ქ. ნეველი.

დაამთავრა პეტროგრადის კონსერვატორია 1921 წელს (საფორტეპიანო).

1921-1930წწ. იყო პეტროგრადის კონსერვატორიის პედაგოგი, პარალელურად 1921-1922წწ. სწავლობდა პეტროგრადის უნივერსიტეტში ისტორია-ფილოლოგიის ფაკულტეტზე; 1930 წელს კონსერვატორიიდან დაითხოვე რელიგიური შეხედულებების გამო; 1931-1933წწ. იყო თბილისის კონსერვატორიის პედაგოგი(სპეციალური ფორტეპიანო, კამერული ანსამბლი), პროფესორი; 1936-1951წწ. მოსკოვის კონსერვატორიის პედაგოგი, 1939 წლიდან პროფესორი; 1944-1960წწ. მოსკოვის გნესინების სახელობის ინსტიტუტის პროფესორი; მიჰყავდა ფორტეპიანოს, კამერული სიმღერის, კამერული ანსამბლის კლასები; 1921 წლიდან ეწეოდა საკონცერტო მოღვაწეობას; 1941-1945წწ. კონცერტებს მართავდა ფრონტზე, ალყაშემორტყმულ ლენინგრადში; იყო მხატვრული ხელმძღვანელი დადგმებისა, მათ შორის: ს. ი. ტანეევი ოპერა "ორესტეა" (1939, 1946); დიდ დროს უთმობდა სალექციო და ლიტერატურულ მოღვაწეობას; რეპერტუარი: ბახი, ბარტოკი, ბეთჰოვენი, ბერგი, ბრამსი, ვებერნი, კშენეკი, მოცარტი, მუსორგსკი, პროკოფიევი, სტრავინსკი, შოსტაკოვიჩი, შუბერტი, შჩერბაჩოვი, ჰინდემიტი, მათ შორის მრავალი ნაწარმოების პირველი შემსრულებელი და აქტიური პროპაგანდისტი სსრკ-ში; რუსი პიანისტი.

 წყარო: ქართული მუსიკის ენციკლოპედიური ლექსიკონი. – თბ., 2015. – გვ. 229