The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუკის გვერდზე



დათაშკა კავსაძე

დათაშკა კავსაძე
ოფიციალური სახელი:დავით კავსაძე
დაბადების თარიღი:1907
გარდაცვ. თარიღი:1952  (45 წლის ასაკში)
კატეგორია:მომღერალი

ბიოგრაფია

დაბადების ადგილი: ქ. ჭიათურა.

დაამთავრა თბილისის II მუსიკალური სასწავლებელი, ვ. სარაჯიშვილის სახელობის თბილისის სახელმწიფო კონსერვატორია.

14 წლიდან ხელმძღვანელობდა ჭიათურის საშუალო სკოლის გუნდს; სკოლის დამთავრებისთანავე დაინიშნა შორაპნის რკინიგზის სკოლაში სიმღერის მასწავლებლად, მომდევნო წელს კი ქუთაისის ვაჭრობის მუშაკთა კლუბის ლოტბარად; სასწავლებლის დამთავრების შემდეგ ჩააბარა თბილისის სახელმწიფო კონსერვატორიაში საკომპოზიციო ფაკულტეტზე, III კურსიდან კი გადავიდა სადირიჟოროზე; პარალელურად ხელმძღვანელობდა თბილისის სკოლების, ტექნიკუმების, მუშფაკების გუნდებს; 1929 წლიდან ძმები დათაშკა და გიგუშა, მამის ს. კავსაძის ტყიბულის მაღაროელთა გუნდის წამყვანი ხმები იყვნენ; ის იყო 1937 წელს მოსკოვში ქართული ხელოვნების დეკადის მონაწილე, 1935 წლიდან დაიწყო დეკადისთვის მზადება; ამ დროისთვის ის უკვე ს. კავსაძის აღმოსავლეთ საქართველოს სახელმწიფო ეთნოგრაფიული გუნდის ხელმძღვანელის თანაშემწეა; დეკადის შემდეგ, 1937-1939წწ. გუნდი ტრიუმფით გამოდიოდა სხვადასხვა საკონცერტო დარბაზებში; მამის ავადმყოფობის გამო, ის ფაქტობრივად გუნდის ხელმძღვანელი იყო; 1937 წელს რეპრესირებული; შვილები: კახი კავსაძე(დრამატული თეატრის მსახიობი), იმერი(საოპერო მომღერალი); ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 231



გააზიარე: