The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუკის გვერდზე



ივანე კავალერიძე

ივანე კავალერიძე
დაბადების თარიღი:14 აპრილი, 1887
გარდაცვ. თარიღი:3 დეკემბერი, 1978  (91 წლის ასაკში)
დაკრძალვის ადგილი:ბაიკოვოს მემორიალური სასაფლაო, კიევი
კატეგორია:დრამატურგი, მოქანდაკე, რეჟისორი, სცენარისტი

ბიოგრაფია

დაბადების ადგილი: სოფელი ნოვოპეტროვკა, უკრაინა.

დაამთავრა კიევის სამხატვრო სასწავლებელი 1909 წელს(ქანდაკების განხრით).

1909-1910წწ. სწავლობდა პეტერბურგის სამხატვრო აკადემიაში, შემდეგ სწავლა განაგრძო პარიზში; 1912 წელს იყო პ. ტიმანისა და ფ. რეინგარდტის კინოფირმის "რუსული ოქროს სერიის" მხატვარ-დეკორატორი; 1918-1921წწ. სახალხო განათლების უკრაინული დრამის თეატრის რეჟისორი; 1924 წლიდან ხარკოვის ქანდაკების სახელოსნოს სამხატვრო ხელმძღვანელი; 1928-1933წწ. ოდესის კინოფაბრიკის რეჟისორი, 1934-1941წწ. კიევის კინოსტუდიის "УкраинФильм", 1957-1962წწ. ალ. დოვჟენკოს სახელობის კინოსტუდიის რეჟისორი; 1944 წლიდან კიევის არქიტექტორთა აკადემიის უფროსი მეცნიერ-თანამშრომელი; საკუთარი ფილმების სცენარისტი და მხატვარი; მონაწილეობდა ქანდაკებების: "რევოლუციის მსხვერპლთ", ტ. შევჩენკოს(ქ. რომნი, უკრაინა), გ. სკოვოროდას, თავადის ქალი ოლგას(კიევი) ქანდაკებების შექმნაში; "იუნესკომ" მას "უკრაინელი მიქელანჯელო" უწოდა; 1920-იან წლებში დაიწყო ექსპერიმენტები კინემატოგრაფიაში; მისი კინოფილმები შევიდა კინოისტორიაში, როგორც ავანგარდული ექსპერიმენტები, რომელიც კინოენისათვის სპეციფიკური პლასტიკური საფუძვლების მორგების მცდელობას წარმოადგენდნენ; კინოსთვის ირჩევდა ეპიკურ, მონუმენტურ სიუჟეტებს, ასეთებია: "ღვართქაფი"(1929), "თხრილი"(1930), "შტურმის ღამეები"(1931), "კოლიივშჩინა"(1933), "პრომეთე"(1935); 1930-იან წლებში დისიდენტად შერაცხეს, ბევრი მისი ფილმი აიკრძალა, ხოლო ზოგიერთი ქანდაკება განადგურდა; მისი თანამშრომლები და სტუდენტები რეპრესირებულნი იყვნენ, თვითონ საერთაშორისო აღიარების წყალობით რეპრესიებს გადაურჩა; მას ეკუთვნის უკრაინის კინემატოგრაფში პირველი კინოფილმ-ოპერები; ერთ-ერთმა პირველმა გამოიყენა მსახიობების გამოსახულებაზე პროფესიული საოპერო მომღერლების ხმის დადების ხერხი, ამ ხერხით შემდეგ მთელ მსოფლიოში მრავალი ფილმი-ოპერა შეიქმნა; უკრაინაში მოღვაწე ქართველი ხელოვანი. 

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 230



გააზიარე: