ასირ გალპერინი

ფეხბურთს თამაშობდა უკრაინის გუნდებში. 1925 წელს გადმოვიდა თბილისის "დინამოში" ცენტრალურ თავდამსხმელად; მნიშვნელოვანი წვლილი მიუძღვის საქართველოში მოზარდთა ფეხბურთის განვითარებაში. მისი ხელმძღვანელობით ჩამოყალიბდა ახალგაზრდული გუნდები სადაც არაერთი მაღალი კლასის ფეხბურთელი აღიზარდა. 1942–1945წწ. მუშაობდა თბილისის დინამოს უფროს მწვრთნელად. იყო თბილისის 35–ე საფეხბურთო სკოლის უფროსი მწვრთნელი. ავტორია წიგნისა "ნორჩ ფეხბურთელთა ტექნიკური სწავლება" (1961, რუს. ენაზე). 1960–იანი წლების დასაწყისში ჟურნალ "ცისკარში"  გამოქვეყნდა გალპერინის ნარკვევები ქართული ფეხბურთის შესახებ. მწვრთნელი, ფეხბურთის ცნობილი თეორეტიკოსი.

წყარო: თბილისი – ენციკლოპედია. – თბ., 2002 – გვ.361

• საქართველოს ფეხბურთის ფედერაციის მწვრთნელთა საბჭო, წევრი

• 1943 - სსრკ სპორტის დამსახურებული ოსტატი