მარა კამოევა

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1929 წელს(საფორტეპიანო).

სწავლა განაგრძო მოსკოვის კონსერვატორიაში, პედაგოგები: ბ. გოლდენვეიზერი, ნ. რაისკი, გ. გინზბურგი; დაბრუნდა თბილისში და სიცოცხლის ბოლომდე იყო ვ. სარაჯიშვილის სახელობის თბილისის სახელმწიფო კონსერვატორიის კამერული სიმღერის კლასის პედაგოგი, პროფესორი; საქართველოს რადიოკომიტეტის კონცერტმაისტერი; მისი მოწაფეები: ზ. სოტკილავა, მ. ქასრაშვილი, ა. ხომერიკი, ჯ. მდივანი, ლ. ცელოვალნიკი; წლების მანძილზე აქტიურად თანამშრომლობდა ქართველ მუსიკოსებთან, უპირატესად მომღერლებთან (დ. და ნ. ანდღულაძეები, პ. და მ. ამირანაშვილები, დ. ბადრიძე, დ. გამრეკელი, თ. გურგენიძე, ა. მიქაბერიძე, ნ. ხარაძე); ის იყო მრავალი ქართული ნაწარმოების პირველი შემსრულებელი; წლების მანძილზე აქტიურად თანამშრომლობდა ქართველ კომპოზიტორებთან: ი. ტუსკია, შ. მშველიძე, გრ. კილაძე, არჩ. კერესელიძე; აღნუსხა ქართული ვოკალური მუსიკა, შეადგინა ქართული ვოკალური მუსიკის ანოტირებული ქრესტომათია, აგრეთვე მეთოდური პროგრამები ყველა დონის ვოკალისტებისათვის, გამოსაცემად მოამზადა ქართველ კომპოზიტორთა რომანსები; ქართული რეპერტუარი: ქართველ კომპოზიტორთა საოპერო ნაწყვეტები, რომანსები, კამერულ-ვოკალური ნაწარმოებები, მათ შორის: ქ. თუმანიშვილი სამი რომანსი(ნ. ხარაძესთან ერთად), ო. ხუციშვილი სავიოლინო სკერცო (მ. ტიროშვილთან ერთად), ტ. ბაქრაძე სავიოლინო რონდო-სონატა (ი. ცხომელიძესთან), ა. ნასიძე ვოკალური ციკლი "ქართული ხალხური პოეზიიდან" (თ. ლაფერაშვილთან ერთად); საქართველოში მოღვაწე სომეხი პიანისტი, კონცერტმაისტერი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 236; საქართველო: ენციკლოპედია: ტ. IV. -თბ., 2018.- თბ., 1980.-გვ. 508