გიორგი გაჩეჩილაძე

დაამთავრა თბილისის სახელმწიფო უნივერსიტეტის ფილოლოგიური ფაკულტეტი 1958 წელს.

1963 წლიდან მუშაობს შოთა რუსთაველის სახელობის ქართული ლიტერატურის ინსტიტუტიში; 1989–1991წწ. სრულიად საქართველოს რუსთაველის საზოგადოების ერთაშორის ურთიერთობის კომისიის თავმჯდომარეა; 1991–1992წწ. საქართველოს პრეზიდენტის მრჩეველი ერთა შორის ურთიერთობის საკითხებში; 1995 წელს ეროვნული თანხმობის დარბაზის თავმჯდომარის მოადგილე. ქართველ საზოგადოებას გიორგი გაჩეჩილაძემ გააცნო ამერიკის ქართული ემიგრაციის თვალსაჩინო წარმომადგენელთა ლიტერატურული მემკვიდრეობა, აგრეთვე ა. წერეთლისა და გრ. რობაქიძის გამოუქვეყნებელი წერილები. 1990 წელს აშშ-ში წაიკითხა ლექციების ციკლი საქართველოში პოლიტიკური მდგომარეობის შესახებ. ფილოლოგიის მეცნიერებათა კანდიდატი.

წყარო: თბილისი – ენციკლოპედია. – თბ., 2002 – გვ.369; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1993 - ინდიანის (აშშ) უნივერსიტეტის საპატიო პროფესორი