ლადო კანდელაკი

დაბადების ადგილი: ქ. ლანჩხუთი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1956 წელს (ვოკალური).

1956-2000წწ. იყო ზ. ფალიაშვილის სახელობის თბილისის ოპერისა და ბალეტის თეატრის წამყვანი სოლისტი(ტენორი); 1965-1990წწ. "Союзконцерт"-ის სოლისტი; 1966 წლიდან თბილისის შ. რუსთაველის სახელობის თეატრალური ინსტიტუტის ვოკალის პედაგოგი, 1987 წლიდან პროფესორი; მოწაფეები: ა. ხოდაშელი, ზ. იაშვილი, გ. ქემერტელიძე, თ. ცქვიტავა; ქართული რეპერტუარი: თანდარუხი, მალხაზი (ზ. ფალიაშვილი "აბესალომ და ეთერი", "დაისი"), ბერდო (რ. ლაღიძე "ლელა"), მინდია (ო. თაქთაქიშვილი "მინდია"), ივანე ერისთავი (დ. თორაძე "ჩრდილოეთის პატარძალი"), მამა(ო. თაქთაქიშვილი "სამი ნოველა"), ახმადი (ა. ბალანჩივაძე); კამერულ-ვოკალური ნაწარმოებები: ზ. ფალიაშვილი, მ. ბალანჩივაძე, დ. არაყიშვილი, ი. კარგარეთელი, ო. თაქთაქიშვილი, ვ. აზარაშვილი, ა. მაჭავარიანი, ა. ჩიმაკაძე, რ. ლაღიძე; სხვა რეპერტუარი; კანიო (ლეონკავალო "ჯამბაზები"), ოტელო (ვერდი "ოტელო"), ერიკი (ვაგნერი "მფრინავი ჰოლანდიელი"), კავარადოსი (პუჩინი "ტოსკა"); მართავდა სოლო კონცერტებს; გასტროლებით იმოგზაურა: სსრკ, გერმანია, იტალია(სოლო კონცერტები და თბილისის ოპერისა და ბალეტის თეატრთან ერთად).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 237

• ჰუმანიტარული და სახელოვნებო აკადემია, აკადემიკოსი (1989-)

• 1991 - ღირსების ორდენი
• 1975 - საქართველოს დამსახურებული არტისტი