ლევან კარახანი

დაბადების ადგილი: ქ. თბილისი.

მოღვაწეობა დაიწყო და წლების განმავლობაში მუშაობდა თბილისის სახალხო თეატრებში; მოგვიანებით ოსტატობის დახვეწის მიზნით ბაქოს გაემგზავრა, სადაც ქამანჩის დაკვრით გაითქვა სახელი; თბილისის გარდა მოღვაწეობდა ბაქოში, ერევანში, ლენინაკანში, აშხაბადსა და ქუთაისში; 1920-იან წლებში თბილისში ჩამოაყალიბა ხალხური საკრავების სახელმწიფო ანსამბლი; 1926 წლიდან გასტროლებით შემოიარა მრავალი ქვეყანა: გერმანია, რუმინეთი, ბელგია, ინგლისი, საფრანგეთი, ავსტრია, თურქეთი, ირანი და სსრკ რესპუბლიკები; ლევან კარახანმა კომპოზიციაშიც სცადა ბედი: "აღმოსავლური ფანტაზია", "სომხური საცეკვაო", "თბილისური ესკიზები", "ნუნეკარე", მუსიკა რადიოინსცენირებისთვის "მეფე-ერეკლე II"; მის საშემსრულებლო ოსტატობას მაღალ შეფასებას აძლევდნენ დ. არაყიშვილი, ზ. ფალიაშვილი, მუსიკისმცოდნე ე. ბრაუდო; მესაზანდრე, ქამანჩის ვირტუოზული დამკვრელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 240