ალექსანდრე დოროხოვი

დაბადების ადგილი: დაბა სურამი.

პირველად თბილისურ ეზოებში ეზიარა ფეხბურთის სიყვარულს; თამაშობდა სხვადასხვა კლუბში; 1936–1939წწ. იყო თბილისის "დინამოს" მეკარე; ძირითადი წარმატებები თბილისის დინამოს შემადგენლობაში მოიპოვა; ერთ-ერთი პირველი მეკარეთაგანია, ვინც მთელ საჯარიმო მოედანზე აქტიურობდა. გამოირჩეოდა გაბედულობით, საზრიანობით, საჯარიმო მოედანზე თამაშის დიდი რადიუსით, რითაც ანეიტრალებდა მოწინააღმდეგის წინ წაწეულ ფორვარდთა შეტევებს. სპორტული კარიერის შემდეგ თბილისში გუნდებისა და მეკარეთა მწვრთნელად მუშაობდა. მონაწილეობას იღებდა ვეტერანთა შეხვედრებში. ფეხბურთელი.

წყარო: თბილისი – ენციკლოპედია. – თბ., 2002 – გვ.429

• 1939 - სსრკ ჩემპიონატის პრიზიორი
• 1936 - სსრკ ჩემპიონატის პრიზიორი
• სსრკ სპორტის ოსტატი