ფრანც კესნერი

დაბადების ადგილი: ქ. ბერლინი.

ბერლინის მუსიკალური აკადემიის პროფესორი; 1881 წელს ჩამოსული იყო საგასტროლო მოგზაურობით, იქორწინა უკრაინელ ქალბატონზე და დასახლდა თბილისში; ფრანც კესნერი იყო თბილისის მუსიკალური სასწავლებლის პედაგოგი (ფორტეპიანო), 1918 წლიდან თბილისის სახელმწიფო კონსერვატორიის პროფესორი; თბილისში დააარსა პროფესიული სიმებიანი კვარტეტი (ვ. ვილშაუ - ვიოლინო, ა. პოლივკა - II ვიოლინო, ვლ. სემიგალოვი - ალტი, კ. მინიარი - ჩელო), რომლებიც თავდაპირველად ოთხშაბათობით მის სახლში იკრიბებოდნენ, შემდეგ, კი პროფესიული კვარტეტის სახე მიიღო; თბილისის პირველი ინსტრუმენტული ანსამბლი (კვარტეტი, ტრიო, დუეტი) დამაარსებელთაგანი და მონაწილე; დააარსა აგრეთვე პირველი კამერული ორკესტრი; ეწეოდა საკონცერტო მოღვაწეობას, მათ შორის მეუღლესთან, ნადეჟდა ივანეს ასულ კესნერთან ერთად, რომელიც იყო დ. ა. უსატოვის მოწაფე და ფლობდა შესანიშნავ სოპრანოს; შალიაპინის საქართველოში ყოფნის პერიოდში ნ. ვ. კესნერი მუდამ მისი პარტნიორი იყო სცენაზე; მოწაფეები: მ. კამოევა, ა. ანისიმოვა, ლ. გაბრუზოვა; ქალაქის მმართველობამ მიანიჭა მემკვიდრეობითი თბილისის საპატიო მოქალაქის წოდება და ოქროს მედალი; დ. კესნერის პაპა; საქართველოში მოღვაწე გერმანელი პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 248