მარკ რუბინშტეინი

დაბადების ადგილი: ქ. თბილისი.

დაამთავრა ს. კიროვის სახელობის საქართველოს ინდუსტრიული ინსტიტუტი.

1945 წლიდან მუშაობდა საქართველოს სსრ მეცნიერებათა აკადემიის ა. ჯანელიძის სახელობის გეოლოგიის ინსტიტუტში, სადაც 1954-1955წწ. ხელმძღვანელობდა პეტროგრაფიის განყოფილებას, 1955 წლიდან - ქანების აბსოლუტური ასაკის ლაბორატორიას; 1967 წლიდან  გეოლოგიის მინერალოგიურ მეცნიერებათა დოქტორი; 1968 წლიდან პროფესორი; 1969-1976წწ. იყო ამავე ინსტიტუტის დირექტორის მოადგილე სამეცნიერო დარგში; 1944-1954წწ. პედაგოგიურ მოღვაწეობას ეწეოდა ვ. ი. ლენინის სახელობის საქართველოს პოლიტექნიკურ ინსტიტუტში, 1954 წლიდან - თბილისის სახელმწიფო უნივერსიტეტში. მისი შრომები ძირითადად შეეხება აბსოლუტური გეოქრონოლოგიის, სეისმოტექტონიკის, რეგიონული გეოლოგიის საკითხებს.

წყარო: ქართული საბჭოთა ენციკლოპედია, ტ. 8, თბ., 1984, გვ. 465

• საქართველოს მეცნიერებათა აკადემია, წევრ-კორესპონდენტი (1974-)

• 1973 - საქართველოს სახელმწიფო პრემია
• საპატიო ნიშნის ორდენი