თამარ ჭოხონელიძე

დაბადების ადგილი: ქ. თბილისი.

1973–1978წწ. მღეროდა ბავშვთა ვოკალურ–საკრავიერო ანსამბლ "მზიურში"; 1981 წლიდან საქართველოს ფილარმონიის სოლისტია. მისთვის დამახასიათებელია სიმღერის დახვეწილი მანერა, ფერადოვანი ხმის ტემბრი, ღრმა მუსიკალობა. გამოდის როგორც საანსამბლო მომღერალი, ასევე სოლო შესრულებითაც. განსაკუთრებით აღსანიშნავია ვოკალური ნამუშევარი კინოფილმში "იავნანა". მიღებული აქვს სამი თაობის საუკეთესო შემსრულებელის წოდება (1996); ფესტივალ "თბილისური გაზაფხულის" წლის საუკეთესო შემსრულებელის წოდება (1995).

წყარო: თბილისი – ენციკლოპედია. – თბ., 2002 – გვ.458; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.191

• 1998 - ღირსების ორდენი
  ქართული საესტრადო ხელოვნების განვითარების, მისი პოპულარიზაციის საქმეში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვისთვის