რევაზ კიკნაძე

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტი 1982 წელს(კლასიკური ფილოლოგია), ვანო სარაჯიშვილის სახელობის თბილისის სახელმწიფო კონსერვატორია 1991 წელს(საკომპოზიციო).

სწავლის პერიოდში უკრავდა ვ. სარაჯიშვილის სახელობის თბილისის სახელმწიფო კონსერვატორიის ჯაზ-კვინტეტში, საქართველოს ტელევიზიის ბიგ-ბენდში; 1981-1990წწ. კერძოდ სწავლობდა კომპოზიციას მ. შუღლიაშვილთან; იყო ანჩისხატის მგალობელთა გუნდის წევრი; 1991-1994წწ. სწავლობდა ლიუბეკის(გერმანია) უმაღლეს მუსიკალურ სასწავლებელში, პედაგოგი ფ. დოელი(კომპოზიცია), პარალელურად , 1993 წლიდან პედაგოგ დ. რაიდთან(ელექტრონული მუსიკა), მუშაობდა ელექტრონულ სტუდიაში; იქვე 1998 წელს დაიცვა დიპლომი კომპოზიციაში, 2001 წლიდან არის კომპოზიციის მაგისტრი; 1992-1994წწ. იყო ანსმბლ "Nuova Sonanza"-ს წევრი; თანამშრომლობდა იაპონურ-გერმანულ თანამედროვე ბალეტის თეატრთან "Tatoeba-theatre dance grotesque"; 1998-2011წწ. ლიუბეკის უმაღლესი მუსიკალური სასწავლებლის დოცენტი(ელექტრონული კომპოზიცია), 1998-2011წწ. ლიუბეკის მუსიკალური სკოლის პედაგოგი(საქსოფონი და იმპროვიზაცია); 2000 წლიდან თანამშრომლობს თანამედროვე საბალეტო დასთან "Tanz-Ort Nord"; 2000-2003წწ. თავისუფალი იმპროვიზაციის ანსამბლ "Resolution Group" ხელმძღვანელი; ვ. სარაჯიშვილის სახელობის თბილისის სახელმწიფო კონსერვატორიის პროფესორი, თბილისის ილიას უნივერსიტეტის ასისტენტ-პროფესორი, ელექტროაკუსტიკური და კომპიუტერული მუსიკის მიმართულების ხელმძღვანელი, 2011-2019წწ. ვ. სარაჯიშვილის სახელობის თბილისის სახელმწიფო კონსერვატორიის რექტორი; 2020 წლიდან არის ილიას სახელმწიფო უნივერსიტეტის სრული პროფესორი. ატარებს ლექციებსა და მასტერკლასებს ელექტროაკუსტიკურ მუსიკაში. თხზულებები, საორკესტრო და კამერულ-ინსტრუმენტული: E-LEGIE სიმებიანი კვარტეტისა და კონტრაბასისათვის(1987-1992), 2 ცეკვა ფორტეპიანოსათვის(1986), სონატა კლარნეტისა და ფორტეპიანოსათვის(1986), "MELISMATA" დიდი სიმფონიური ორკესტრისათვის(1998), ნოქტიურნი ქალის ხმისათვის(1991), 4 ბაგატელი სიმებიანი კვარტეტისათვის(1993), "ME NOLENTE" ვიოლინოს, ვიოლონჩელოსა და ფორტერპიანოსათვის(1994), "Come in sogno" უვერტიურა ორკესტრისათვის(1994), "LITTERAE" 2 მარიმბასთვის(1994), FOF-VARIATIONEN ელექტრონიკისათვის(1998), "ნიღბები" საორკესტრო(2000), მედიტაციების თემაზე "ARTIFICIUM ARTIS" საქსოფონისა და ელექტრონიკისათვის(2000), Concertante ჩასაბერი საკრავებისა და 20 სიმებიანისთვის(2001), "ჩიკაგო" საქსოფონისა და ელექტრონიკისათვის(2005); გადაღებულია დოკუმენტურ კინო-ფილმში "ხახვის ცრემლები"(2001, რეჟისორი ლ. ღლონტი); საქსოფონისტი, ჯაზმენი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 255;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 34

• 1997 - ბრაუნშვაიგის ახალი აკადემიის პრიზი
• 1993 - მარი-ლუიზ-ბუშის ფონდის პრიზი კომპოზიციაში