ნიკო ჯადუგიშვილი

დაბადების ადგილი: სოფელი ანაგა, სიღნაღის რაიონი.

დაამთავრა თბილისის უნივერსიტეტის ისტორიულ ფაკულტეტი 1964 წელს.

1964 წელს მიიწვიეს საქართველოს  საესტრადო ორკესტრ "რერო"-ში სოლისტად. ასრულებდა ისეთი ცნობილი ქართველი კომპოზიტორების  სიმღერებს, როგორებიც არიან: გიორგი ცაბაძე, შოთა მილორავა, ეთერ ჭელიძე, ნოდარ გიგაური, ვაჟა აზარაშვილი, ნუნუ გაბუნია, მარგარიტა ჩხეიძე და სხვ. მის რეპერტუარში შედიოდა  აგრეთვე რუსი და საზღვარგარეთელი კომპოზიტორების პოპულარული სიმღერები. 1968 წელს მონაწილეობდა სტუდენტთა და ახალგაზრდობის მსოფლიო ფესტივალში ბულგარეთის დედაქალაქ სოფიაში. 1971 წელს შეიქმნა დუეტი ნიკო ჯადუგიშვილის და ეთერ კაკულიას მონაწილეობით. მათ მიერ შესრულებული სიმღერებიდან აღსანიშნავია ი. ბუკიას  "თოვლი მოსულა", ე. ჭელიძის  "აღმართი", ჯ. სეფიაშვილის "სანთლები", ნ. დუღაშვილის  "დამიბრუნდი". იყო თბილისის სახელმწიფო უნივერსიტეტის დოცენტი. 

წყარო: ხელოვნების კალენდარი,  თეატრი, მუსიკა, კინო. თბ., 1992 – გვ. 51-52; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.283

• 1998 - ღირსების ორდენი
  თანამედროვე ქართული საესტრადო ხელოვნების განვითარებასა და პოპულარიზაციაში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვის
• 1983 - საქართველოს დამსახურებული არტისტი