ნინო კირვალიძე

დაბადების ადგილი: ქ. თბილისი.

დაამთავრა თბილისის უცხო ენათა პედაგოგიურ ინსტიტუტი 1967 წელს.

1958-1987წწ. იყო საქართველოს ხალხური ცეკვის სახელმწიფო აკადემიური ანსამბლის (ახლანდ. ნ. რამიშვილისა და ი. სუხიშვილის სახ. ქართული ნაციონალური ბალეტი) წამყვანი მოცეკვავე; წარმატებით მონაწილეობდა ანსამბლის თითქმის მთელ რეპერტუარში. განსაკუთრებით გამოირჩევა მის მიერ შესრულებული ცეკვები: "ქართული", "სამაია", "ხევსურული", "ხომლი", "ხაბარდა", "ხონგა", "წყაროსთან", "აჭარული", თინათინის პარტია ი. სუხიშვილის მიერ დადგმულ "ქაჯეთის ციხის აღებაში" და სხვ. მისი შესრულება გამოირჩეოდა მაღალი პროფესიონალური ოსტატობოთ, ფაქიზი გემოვნებით, ეროვნული კოლორიტის გრძნობით. იყო მოსკოვის ახალგაზრდობისა და სტუდენტთა VI საერთაშორისო ფესტივალის ლაურეატი, I ხარისხის დიპლომისა და ოქროს მედალის მფლობელი (1957). 1985–2015წწ. ეწეოდა პედაგოგიურ მოღვაწეობას ი. სუხიშვილის სახელობის სკოლა-სტუდიაში.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 261; სუხიშვილები: facebook.com; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 61; ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.-გვ.213

• 2002 - ღირსების ორდენი
• 1972 - საქართველოს სახალხო არტისტი
• 1963 - საქართველოს დამსახურებული არტისტი