დევი უგრეხელიძე

დაბადების ადგილი: დაბა თიანეთი.

დაამთავრა თბილისის სახელმწიფო უნივერსიტეტის ქიმიის ფაკულტეტი.

1961-1964წწ. სწავლობდა ამავე უნივერსიტეტის ორგანული ქიმიის კათედრის ასპირანტურაში; 1964 წელს დაიცვა საკანდიდატო დისერტაცია; 1965 წლიდან ხელმძღვანელობდა საქართველოს მეცნიერებათა აკადემიის მცენარეთა ბიოქიმიის ინსტიტუტის ქსენობიოტიკთა ლაბორატორიას; პარალელურად მუშაობდა თბილისის სახელმწიფო უნივერსიტეტის ორგანული ქიმიის კათედრაზე. 1974 წელს დაიცვა სადოქტორო დისერტაცია. 1977 წლიდან პროფესორი; 1975-1996წწ. იყო საქართველოს სასოფლო სამეურნეო ინსტიტუტის ბიოორგანული ქიმიის კათედრის გამგე; 1996-2006წწ. საქართველოს მეცნიერებათა აკადემიის ბიოქიმიისა და ბიოტექნოლოგიის ინსტიტუტის მთავარი მეცნიერ-თანამშრომელი. 

წყარო: დევი უგრეხელიძე : ხსოვნა // საქართველოს რესპუბლიკა. -თბილისი, 2012. - 12 სექტემბერი. - N174 (7050). - 11გვ. (dspace.nplg.gov.ge)

• საქართველოს მეცნიერებათა აკადემია, წევრ-კორესპონდენტი (1988-2012)

• მცენარეთა ქიმიური დაცვა: ორგანული ზოოციდები: ინსექტიციდები, აკარიციდები, ლიმაციდები, ნემატიციდები, როდენტიციდები : დამხმ. სახელმძღვ. სას.-სამ. ინ-ტის აგრონ. ფაკ-ტის - 1501 აგროქიმია - ნიადაგმცოდნეობისა და 1504 მცენარეთა დაცვის სპეციალ. სტუდენტებისათვის (თანაავტორი). - თბილისი, საქართველოს სას.-სამ. ინ-ტი, 1983. - 129გვ.
• ბიოსფეროს ქიმიური გაჭუჭყიანება და მცენარე (ავტორი). - თბილისი, მეცნიერება, 1980. - 93გვ.
• ბიოფიზიკური ქიმია და სოფლის მეურნეობა (თანაავტორი). - თბილისი, საბჭ. საქართველო, 1971. - 207გვ.