დავით კინწურაშვილი

დაბადების ადგილი: ქ. თბილისი.

დაამთავრა თბილისის III მუსიკალური სასწავლებელი 1996 წელს, ვანო სარაჯიშვილის სახელობის თბილისის სახელმწიფო კონსერვატორია 2002 წელს(გუნდის დირიჟორობა).

2000-2002წწ. იყო ვ. სარაჯიშვილის სახელობის თბილისის სახელმწიფო კონსერვატორიის და ი. ჯავახიშვილის სახელობის თბილისის სახელმწიფო უნივერსიტეტის ერთობლივი ესპანურ-ქართული გუნდის "Cantus Choralis" სამხატვრო ხელმძღვანელი; 2000-2002წწ. თბილისის კულტურის სახელმწიფო ინსტიტუტის დოცენტი; 2006 წელს მოიპოვა მიუნხენის მუსიკისა და თეატრის Hohschule-ს საორკესტრო დირიჟორის დიპლომი, ხოლო 2008 წელს საორკესტრო დირიჟორის მაგისტრის ხარისხი; 2011 წელს ლატვიის კულტურის აკადემიის კულტურისა და მედიის მენეჯმენტის მაგისტრის წოდება; 2009-2011წწ. იყო ჰამბურგის მუსიკალური და თატრალური უმარლესი აკადემიის საორკესტრო სადირიჟორო ფაკულტეტის სტუმარი-სტუდენტი, პედაგოგი ქრისტოფ პრიკისი; ამავე წლიდან მუშაობდა ჰამბურგის კონსერვატორიაში სასწავლო პროექტ GUS-ის ფარგლებში საორკესტრო სადირიჟორო ფაკულტეტის მუსიკალურ პროექტებზე, მათ შორის: "ოპერა ყველა ბავშვს", ფესტივალი "ჟღერა და სივრცე", პროფესორ ბ. ვაილის ასისტენტი, ახორციელებდა ფესტივალის მენეჯმენტსა და მარკეტინგს; მასტერკლასები გაიარა 2007, 2009, 2010წწ. პროფესორებთან: კ. მაზურთან, დ. ბოსტოკთან, ქ. პრიკისთან; უდირიჟორა: მიუნხენის, ინგოლშტატის, ბავარიის, კანადის, შვეიცარიის, ვენის, ჰამბურგის სიმფონიურ ორკესტრებსა და საოპერო სპექტაკლებს; 2010-2014წწ. იყო მიუნხენის ელიზაბეთ გასტის ხელოვნების ფონდის მუსიკალური ხელმძღვანელი, მიუნჰენის "ბავარიის საბავშვო და ახალგაზრდული ფილარმონიის ორკესტრისა და გუნდის" პროექტების ავტორი და ხელმძღვანელი; 2013 წლიდან თბილისის კონსერვატორიის მუსიკალური მენეჯმენტის ფაკულტეტის პედაგოგი("Basic of Management", "Music Management") და საორკესტრო დირიჟორის კლასი; 2014 წლიდან იყო ზ. ფალიაშვილის სახელობის თბილისის ოპერისა და ბალეტის თეატრის სამხატვრო ხელმძღვანელი; ატარებს მასტერკლასებს: თბილისის კონსერვატორიაში, თბილისის გოეთეს ინსტიტუტში; რეპერტუარი შესრულებული საქართველოში: ჰაიდნი ორატორია "სამყაროს შექმნა"(2015), ო. თაქთაქიშვილი "მინდია", ვერდი "აიდა", "ტრუბადური", "ბალ-მასკარადი", "რიგოლეტო", "ნაბუქო", დონიცეტი "დონ პასკუალე", ლეონკავალო "ჯამბაზები"(ყველა საკონცერტო შესრულება), მოცარტი "ჯადოსნური ფლეიტა"; რეპერტუარი შესრულებული უცხოეთში: როსინი "კონკია", ვაგნერი "მფრინავი ჰოლანდიელი", გლუკი "ალცესტა", ბრუკნერი სიმფონია N9; მონაწილეობდა ფესტივალში: თბილისის "საახალწლო ფესტივალი", "ზამთრის აკადემია", ჰამბურგის წმინდა იაკობის საკათედრო ტაძარში მიუნხენის ქართულ გუნდთან "იბერი". 2014-2016წწ. თბილისის ზ. ფალიაშვილის სახელობის ოპერისა და ბალეტის პროფესიული სახელმწიფო თეატრის სამხატვრო ხელმძღვანელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 260