დევიდ დელ პინო კლინგე

დაბადების ადგილი: ლიმა, პერუ.

დაამთავრა მადრიდის რეალკონსერვატორია(სადირიჟორო).

სადირიჟორო დებიუტი შედგა 17 წლის ასაკში, რის შემდეგაც მიიღო დე ფალიას სტიპენდია სწავლის გასაგრძელებლად; სადირიჟორო ხელოვნების ამაღლების კურსები გაიარა მიუნხენში(გერმანი), ბერგენში(ნორვეგია) და ბოლონიაში(იტალია); მუშაობდა მრავალ ორკესტრთან: ტოსკანინის სახელობის(ემილია-რომანია, იტალია), ბრანდერბურგის(გერმანია), მექსიკის, არგენტინის, პეტერბურგის, ასტრახანის(რუსეთი), კიევის(უკრაინა); 1993-1998წწ. იყო საქართველოს ეროვნული სიმფონიური ორკესტრის დირიჟორი და სამხატვრო ხელმძღვანელი; პარალელურად, 1994-2000წწ. არგენტინის ნაციონალური ორკესტრის მთავარი დირიჟორის თანაშემწე, 2000-2006წწ. ჩუილეს, 2008-2010წწ. სანტიაგოს სიმფონიური ორკესტრების დირიჟორი; 2010 წლიდან სანტიაგოს(ჩილე) ფილარმონიული ორკესტრის მთავარი დირიჟორი, არგენტინასა და ჩილეში, პარალელურად ხელოვნების აკადემიებში ეწეოდა პედაგოგიურ მოღვაწეობას; თითქმის 30 წლის პედაგოგიური მოღვაწეობის მანძილზე აღზარდა ლათინოამერიკელი დირიჟორების თაობები; ქართული რეპერტუარი: შ. დავიდოვის კლარნეტის კონცერტი სიმფონიურ ორკესტრთან ერთად(პირველი შესრულება ბუენოს-აირესში); სხვა რეპერტუარი: მსოფლიო კლასიკა და თანამედროვე მუსიკა; მიღებული აქვს მრავალი ჯილდო ავტორებისა და კომპოზიტორებისგან(1998); საქართველოში მოღვაწე ლათინოამერიკელი დირიჟორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 261

• 2010 - ვიქტორ ტევას პრემია
• 2001 - Domingo de Santa Cruz-ის პრემია, ეროვნულ მუსიკალურ ხელოვნებაში შეტანილი წვლილისათვის
• 1999 - მუსიკოს-კრიტიკოსთა საერთაშორისო პრემია
• 1986 - არტურო ტოსკანინის საერთაშორისო კონკურსი