კონსტანტინე ვეფხვაძე

დაბადეის ადგილი: სოფელი ზვარე, ხარაგაულის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1924 წელს.

1945–1974წწ. ხელმძღვანელობდა ექიმთა დახელოვნების თბილისის სახელმწიფო ინსტიტუტის ონკოლოგიის კათედრას. მისი სამეცნიერო შრომები ეძღვნება თეორიული და კლინიკური ქირურგიის და ონკოლოგიის აქტუალურ საკითხებს. იკვლევდა აგრეთვე ავთვისებიანი სიმსივნის ეპიდემიოლოგიისა და სამრეწველო ტრავმატიზმის საკითხებს. 1933 წელს შეადგინა ზოგადი ქირურგიის პირველი სახელმძღვანელო ქართულ ენაზე, რომელიც მის სიცოცხლეში 8-ჯერ გამოიცა. ასევე იყო ავტორი სახელმძღვანელოებისა ონკოლოგიაში:"ავთვისებიანი სიმსივნეები" (1952), "ონკოლოგია" (1967). ცნობილი ონკოლოგი, მეცნიერული ონკოლოგიის ფუძემდებელი საქართველოში, მედიცინის მეცნიერებათა დოქტორი, პროფესორი. მიღებული აქვს სახელმწიფო ჯილდოები.

წყარო: თბილისი – ენციკლოპედია. – თბ., 2002 – გვ.474; კარგ ქართველთა საფლავები: geonecropol.ge; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.241-242

• საქართველოს ონკოლოგთა სამედიცინო სამეცნიერო საზოგადოება, თავმჯდომარე (1955-1974)
• სსრკ მედიცინის მეცნიერებათა აკადემიასთან არსებული კიბოს საპრობლემო სამეცნიერო საბჭო, წევრი
• სსრკ ჯანდაცვის სამინისტროს კიბოს საწინააღმდეგო კომიტეტი, წევრი

• 1961 - საქართველოს მეცნიერებათა დამსახურებული მოღვაწე

• ავთვისებიანი სიმსივნეები : მოკლე სახელმძღვანელო ექიმთა და სტუდენტებისათვი (ავტორი). - თბილისი, საქმედგამი, 1952. - 238გვ.
• სქემა ქირურგიულ ავადმყოფთა კლინიკური შესწავლისათვის. - თბილისი, საქმედგამის გამომცემლობა და სტამბა, 1939. - 64გვ.
• ლულოვანი ძვლების ოსტეოგენური სარკომები (ავტორი). - ტფილისი, სახმედგამი, 1936. - 132გვ.
• ზოგადი ქირურგია : მოკლე სახელმძღვანელო სტუდენტებისათვის (ავტორი). - ტფილისი, სახელგამის სასწ. პედაგ. სექტორის გა-მა,, 1933. - 226გვ.