სპირიდონ ვირსალაძე

დაამთავრა ტომსკის  უნივერსიტეტის სამედიცინო ფაკულტეტი 1896 წელს.

1898–1909წწ. მუშაობდა პეტერბურგში ი. პავლოვის, ა. ნეჩაევისა და ვლ. ბეხტერევის ხელმძღვანელობით. იმავე წელს დაბრუნდა თბილისში, სადაც დაინიშნა საავადმყოფოს მთავარი ექიმის მოადგილედ და თერაპიული განყოფილების გამგედ;

1919 წელს აირჩიეს თბილისის უნივერსიტეტის კერძო პათოლოგიის და თერაპიის კათედრის გამგედ და პროფესორად, ხოლო 1921 წლიდან სიცოცხლის ბოლომდე ხელმძღვანელობდა ჰოსპიტალური თერაპიის კათედრას; 1919 წელს შ. მიქელაძესთან ერთად პირველი ქართული სამედიცინო ჟურნალის "ექიმის" რედაქტორი, 1924 წლიდან კი "ტროპიკულ სნეულებათა ინსტიტუტის ბიულეტინის" დირექტორია. იყო  პირველი ქართველი თერაპევტი-პროფესორი, ქართული თერაპიული სკოლის ერთ-ერთი ფუძემდებელი. მისი თაოსნობით დაარსდა თბილისის ცენტრალური სამალარიო სადგური, რომელიც შემდეგ გადაკეთდა ტროპიკულ სნეულებათა ინსტიტუტად. მედიცინის მეცნიერებათა დოქტორი (1910), პროფესორი (1919). ღვაწლმოსილმა ექიმმა დაგვიტოვა ქართულ, რუსულ, გერმანულ და ფრანგულ ენებზე გამოქვეყნებული 70-მდე მეცნიერული ნაშრომი.

წყარო: თბილისი – ენციკლოპედია. – თბ., 2002 – გვ.476; მამულიშვილთა სავანე ზ. ბაბუნაშვილი, თ. ნოზაძე. -თბ., 1994. - გვ. 152; gluseum.com

• საქართველოს ექიმთა საზოგადოება, წევრი
• კავკასიის სამედიცინო საზოგადოება, წევრი, თავმჯდომარის მოადგილე
• საქართველოს ბუნებისმეტყველთა საზოგადოებ, წევრი

• კუჭის წყლულის კლინიკა (ავტორი). - ტფილისი, პოლიგრაფტრ. 1-ლი სტ., 1929. - 22გვ.