გიორგი ზედგენიძე

დაამთავრა თბილისის სახელმწიფო უნივერსიტეტის სამკურნალო ფაკულტეტი 1927 წელს.

1939–1941წწ. იყო სამხედრო საზღვაო სამედიცინო აკადემიის რენტგენოლოგიის აკადემიის უფროსი; 1958–1973წწ. სსრკ მედიცინის მეცნიერებათა აკადემიის სამედიცინო რადიოლოგიის სამეცნიერო კვლევითი ინსტიტუტის დირექტორი, 1973 წლიდან მოსკოვის კლინიკური და ექსპერიმენტული ონკოლოგიის ინსტიტუტის კონსულტანტი. 1958 წლიდან ჟურნალ "მედიცინსკაია რადიოლოგიას" რედაქტორი. დამუშავებული აქვს მაიონიზებელი გამოსხივების ბიოლოგიური მოქმედების, სხივური თერაპიის, ავთვისებიანი სიმსივნეების, ძვლებისა და სახსრების, აგრეთვე კუჭ–ნაწლავის და სხვა დაზიანებათა რენტგენოდიაგნოსტიკის საკითხები და სხვა. რენტგენო–რადიოლოგი, მედიცინის მეცნიერებათა დოქტორი, პროფესორი. რენტგენოლოგიისა და რადიოლოგიის ერთ–ერთი ფუძემდებელი სსრკ–ში. მიღებული აქვს სახელმწიფო ჯილდოები.

წყარო: თბილისი – ენციკლოპედია. – თბ., 2002 – გვ.482

• ბულგარეთის რენტგენოლოგ–რადიოლოგთა საზოგადოება, წევრი
• გერმანიის რენტგენოლოგ–რადიოლოგთა საზოგადოება, წევრი
• მსოფლიოს რენტგენოლოგ–რადიოლოგთა ასოციაციის აღმასკომი, წევრი
• რენტგენოლოგ–რადიოლოგთა საკავშირო საზოგადოება, თავმჯდომარე (1958-)
• საფრანგეთის რენტგენოლოგ–რადიოლოგთა საზოგადოება, წევრი
• სსრკ მედიცინის მეცნიერებათა აკადემია, აკადემიკოსი
• ჩეხოსლოვაკიის რენტგენოლოგ–რადიოლოგთა საზოგადოება, წევრი

• რენტგენოლოგია ოდონტოლოგიაში სოციალურ ჰიგიენის თვალსაზრისით (ავტორი). - ტფილისი, პოლიგრაფტრ. 1-ლი სტ., 1929. - 748გვ.