გიორგი I

იმერეთის მეფე 1389-1392წწ. ბაგრატ I ერისთავის ძე; გიორგი I-ის გამეფების დროს იმერეთის, მ. შ. ქუთაისის, ზოგიერთი ციხესიმაგრე, ჯერ კიდევ საქართველოს მეფეს ბაგრატ V-სა და მის მემკვიდრეს გიორგის ეჭირათ; გურიის, ოდიშისა და სხვა მთავრებიც მათ მხარეზე იყვნენ და გიორგი I-ის მეფობას არ ცნობდნენ; გიორგი I-მა მოახერხა აღნიშნულ ციხესიმაგრეთა დაკავება; 1390 წელს გიორგი I-მა აფხაზთა კათოლიკოსად არსენი დასვა და ამით სასულიერო ფეოდალთა წრეშიც დასაყრდენი გაიჩინა; 1392 წელს ოდიშის მთავრის ვამეყ I დადიანის წინააღმდეგ გაილაშქრა, მაგრამ დამარცხდა; თვითონაც ამ ბრძოლაში დაიღუპა.

წყარო: საქართველო: ენციკლოპედია: ტ.2. - თბ., 2012. - გვ.17