სულიკო კოროშინაძე

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტი 1956 წელს(გეოგრაფია–გეოლოგია).

თბილისის სახელმწიფო უნივერსიტეტში შეკრებილი იყვნენ ნიჭიერი ახალგაზრდები, რომლებმაც შემდგომში ახალი მიმართულება მისცეს ქართულ საესტრადო ხელოვნებას; ესენი არიან: ზ. რცხილაძე, ზ. ხელაია, ზ. გემაზაშვილი, ა. ცირეკიძე, ზ. შოშიტაიშვილი; აქ შექმნილი სიმღერების ავტორი – ზ. ხელაია დიდი პოპულარობით სარგებლობდა, მაგალითად: "ვდგევარ ჭადართან"(ლექსი ზ. გემაზაშვილი), "ვარდებსა და გვირილებში"(ლექსი ნ. დუმბაძე), "ჭიამაია", "დაჯექ–დაჯექ პეპელა"(ლექსი ზ. ხელაია), სიმღერებს ასრულებდა სულიკო კოროშინაძე; ეს ახალგაზრდები საქართველოს სახელმწიფო საესტრადო ორკესტრის ხელმძღვანელმა, გ. გაბესკირიამ მიიწვია და ჯგუფი მალე კვარტეტად ჩამოყალიბდა; 1960 წელს შეიქმნა სახელმწიფო საესტრადო ორკესტრი "რერო", რომლის უცვლელი წევრი იყო სულიკო კოროშინაძე; 1975 წელს მიიწვიეს საქართველოს ფილარმონიასთან არსებულ ანსამბლ "დოლურში"; პოპულარული იყო კოროშინაძის და ნ. აბესაძის დუეტი; 1975 წლიდან ეწეოდა პედაგოგიურ მოღვაწეობას თბილისის საესტრადო და II მუსიკალურ სასწავლებლებში; რეპერტუარი: ქართველ კომპოზიტორთა სიმღერები; გასტროლები: პარიზი(1966, საკონცერტო დარბაზი "ოლიმპია"), სსრკ, ჩეხოსლოვაკია, გერმანია, პოლონეთი, უნგრეთი, აფრიკის ქვეყნები; საესტრადო მომღერალი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 269; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.441

• 2011 - თბილისის საპატიო მოქალაქე
• 1996 - ღირსების ორდენი
  ქართული საესტრადო ხელოვნების განვითარებაში შეტანილი დიდი წვლილისა და ნაყოფიერი პედაგოგიური მოღვაწეობისათვის
• 1969 - საქართველოს დამსახურებული არტისტი