კონსტანტინე ცხაკაია

დაამთავრა საქართველოს პოლიტექნიკური ინსტიტუტი 1962 წელს.

1960–1969წწ. მუშაობდა საკავშირო მართვის საშუალებებისა და ხელსაწყოთმშენებლობის სპეციალურ საკონსტრუქტორო ბიუროში; 1969–1974წწ. საქართველოს მატერიალურ–ტექნიკური მომარაგების მთავარი სამმართველოს გამოთვლით ცენტრში დირექტორის მოადგილედ; შემდეგ მთავარ ინჟინრად; საქართველოს საავტომობილო ტრანსპორტის სამინისტროს გამოთვლითი ცენტრის დირექტორად; 1974–1981წწ. იყო გაერთიანება "ავტოტრანსტექნიკის" გენერალური დირექტორის მოადგილე; 1981–1990წწ. საქალაქო საბჭოს აღმასკომის შრომის მეცნიერული ორგანიზაციისა და წარმოების მართვის ცენტრის დირექტორის მოადგილე; 1990 წლიდან იყო თბილისის მერიის საწარმოო ტექნიკური გაერთიანების "თბილსისტემოტექნიკის" გენერალური დირექტორი. არის სამეცნიერო შრომების და გამოგონებების ავტორი, ინჟინერ–ენერგეტიკოსი. მიღებული აქვს სახელმწიფო ჯილდოები.

წყარო: თბილისი – ენციკლოპედია. – თბ., 2002 – გვ.534; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.240

• ინფორმატიზაციის საერთაშორისო აკადემია, წევრი (2001-)
• საქართველოს ეკოლოგიურ მეცნიერებათა აკადემია, წევრი (1995-)

• 1999 - ღირსების ორდენი
  თბილისის ადგილობრივი თვითმმართველობისა და მმართველობის ორგანოებში კომპიუტერული ტექნიკის ბაზაზე ინფორმაციული ტექნოლოგიების დანერგვაში შეტანილი პირადი დიდი წვლილის, ნაყოფიერი სამეცნიერო და სამეურნეო საქმიანობისათვის