სანდრო თედიაშვილი

1936–1941წწ. იყო ცხინვალის სახელმწიფო თეატრის ქართული დასის მსახიობი; 1941–1946წწ. შორეული აღმოსავლეთის ფრონტის პირველი წითელდროშოვანი ანსამბლის მსახიობი; 1947–1952წწ.– კვლავ ცხინვალის კ. ხეთაგუროვის სახელობის სახელმწიფო თეატრის დასის მსახიობი და დირექტორის მოადგილე; 1952 წელს – თბილისის მოზარდ მაყურებელთა ქართული თეატრის მსახიობი. ძირითადად ასრულებდა სახასიათო–კომედიურ როლებს. გამოირჩევა სცენური ნახაზის სიზუსტით, ემოციურობით, სასცენო მეტყველების ოსტატობით, მიმიკით. 1957 წლიდან მუშაობდა ცირკში – იყო საცირკო ხელოვნების პირველი ქართველი კომიკოსი (კლოუნი). 1963–1968წწ. მუშაობდა ქართული საცირკო კოლექტივის სამხატვრო ხელმძღვანელად. მნიშვნელოვანი წვლილი მიუძღვის ქართული საცირკო ხელოვნების განვითარებაში. მიღებული აქვს სახელმწიფო ჯილდოები.

წყარო: თბილისი – ენციკლოპედია. – თბ., 2002 – გვ.540; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.101

• 2000 - ღირსების ორდენი
• 1980 - საქართველოს სახალხო არტისტი

• ცირკი საოცრებათა ხელოვნება (ავტორი). - 75გვ.