ინგა თევზაძე

დაბადების ადგილი: ქ. თბილისი.

დაამთავრა მოსკოვის ა. ლუნაჩარსკის სახელობის თეატრალური ხელოვნების სახელმწიფო ინსტიტუტი 1991 წელს.

1961 წლიდან ქართული ხალხური ცეკვის სახელმწიფო ანსამბლის (ახლანდ. ი. სუხიშვილის სახ. ქართული ნაციონალური ბალეტი) სოლისტია, მის მიერ წარმატებით შესრულებული ცეკვებიდან აღსანიშნავია: "სიმდი", "ხონგა", "აჭარული". 1990 წლიდან – ბალეტმეისტერი. მონაწილეობას იღებდა ანსამბლის მთელ რეპერტუარში. ასრულებდა სოლო პარტიებს. მისი შესრულებისათვის დამახასიათებელია მუსიკალობა, არტისტიზმი, პლასტიკურობა. მიღებული აქვს 1967 - საქართველოს სსრ უმაღლესი საბჭოს პრეზიდიუმის საპატიო სიგელი (1967). ანსამბლთან ერთად შემოიარა თითქმის მთელი მსოფლიო.

წყარო: თბილისი – ენციკლოპედია. – თბ., 2002 – გვ. 541; ეროვნული ფილმოგრაფიის პორტალი: geocinema.ge; ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.-გვ.206

• 1982 - საქართველოს სახალხო არტისტი
• 1971 - საქართველოს დამსახურებული არტისტი