სოლიკო ლაფაური-იობაშვილი

დაბადების ადგილი: ქ. თბილისი.

დაამთავრა თელავის იაკობ გოგებაშვილის სახელობის პედაგოგიური ინსტიოტუტი 1951 წელს(ფილოლოგიური), ვანო სარაჯიშვილის სახელობის თბილისის სახელმწიფო კონსერვატორია 1959 წელს(ფოლკლორი).

1947–1951წწ. მღეროდა ფ. მახათელაშვილის გუნდში; საქართველოს ტელე–რადიო მაუწყებლობის დაარსების დღიდან(1956) საქართველოს ტელე–რადიო კომიტეტის მუსიკალური პროგრამების მთავარი რედაქციის მთავარი რედაქტორი; მისი ხელმძღვანელობით მუსიკალურ რედაქციაში დაარსდა სხვადასხვა სატელევიზიო ფორმატი, იყო ხალხური რედაქციის დამაარსებელი(1979) და ხელმძღვანელი; მისი იდეითა და ხელძღვანელობით დაარსდა სახალხო დღესასწაულები: "გარეჯობა", "საბაობა", "აფხაზეთი ტელეეკრანებზე", "სულიკო", სსრკ–ში შეიქმნა პირველი ქართული ტელე–ოპერა "გამზრდელი"(1960, კომპოზიტორი ნ. გიგაური, სსრკ პირველი ხარისხის დიპლომი, 1961); ასევე, მისი იდეით რაიონებში მუშაობის შედეგად თბილისის ფილარმონიაში ვ. კოტეტიშვილთან ერთად ჩატარდა "ხალხური შემოქმედების საღამოები", რომელმაც დიდი პოპულარობა მოიხვეჭა; ს. ლაფაურის თაოსნობით მოეწყო პირველი ქართული ტელერეპორტაჟი და ქუთაისიდან ტრანსლირებულ იქნა საოპერო თეატრის გახსნასთან დაკავშირებით, ზეიმი(ქუთაისში პირველი დადგმა ზ. ფალიაშვილი "აბესალომ და ეთრი"); დააარსა საქართველოს ტელევიზიისა და რადიომაუწყებლობის გუნდი; დატოვა მდიდარი არქივი. 

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 280; საქართველო: ენციკლოპედია: ტ.5. -თბ.,2023. -გვ.300

• საქართველოს ხელოვნების დამსახურებული მოღვაწე