შალვა ჭანიშვილი

დაბადების ადგილი: ქ. ქუთაისი.

დაამთავრა მილანის სასოფლო-სამეურნეო ინსტიტუტი 1923 წელს.

1923-1926წწ. აგრონომად მუშაობდა საფრანგეთში; 1926-1942წწ. საქართველოში სასოფლო-სამეურნეო პროფილის სამეცნიერო დაწესებულებებში სხვადასხვა თანამდებობებზე იყო და სამეცნიერო-კვლევით მუშაობას ეწეოდა; 1942-1952წწ. იყო მეცნიერებათა აკადემიის სოფლის მეურნეობის მეცნიერებათა განყოფილების სწავლული მდივანი; 1952-1958წწ. საქართველოს ნიადაგმცოდნეობის, აგროქიმიისა და მელიორაციის სამეცნიერო-კვლევითი ინსტიტუტის აგროქიმიის განყოფილების გამგე; 1958 წლიდან საქართველოს სასოფლო-სამეურნეო ინსტიტუტის ზოგადი მიწათმოქმედების კათედრის პროფესორი. შეისწავლა საქართველოს მინდვრის კულტურების აგროტექნიკის საკითხები, დაამუშავა სანაწვერალო კულტურების თესვა-მოყვანის მეცნიერული საფუძვლები, გამოიკვლია თესლბრუნვისა და ნიადაგის დამუშავების საკითხები. აგრონომი. 

წყარო: ქართული საბჭოტა ენციკლოპედია, ტ. 11, თბ., 1987, გვ. 382

• საქართველოს მეცნიერებათა აკადემია, წევრ-კორესპონდენტი (1955-)

• 1959 - საქართველოს მეცნიერებათა დამსახურებული მოღვაწე

• ბიოლოგიური მეცნიერების როლი სოფლის მეურნეობის აღმავლობისათვის ბრძოლაში (ავტორი). - თბილისი, ცოდნა, 1969. - 32გვ.
• ზოგადი მიწათმოქმედება ნიადაგთმცოდნეობით : სახელმძღვ. სას.-სამ. ტექნიკუმებისათვის (ავტორი). - თბილისი, განათლება, 1966. - 378გვ.
• საცდელი საქმის მეთოდიკა მემცენარეობაში : დამხმ. სახელმძღ. სას.-სამ. ინ-ტის აგრ. ფაკ-ტისათვის (ავტორი). - თბილისი, განათლება, 1965. - 240გვ.
• სიმინდის თესვა-მოყვანის აგროკომპლექსი (ავტორი). - თბილისი, საბჭ. საქართველო, 1960. - 108გვ.
• ორგანული სასუქები და მათი გამოყენება მოსავლიანობის გადიდებისათვის (ავტორი). - თბილისი, საქ. სსრ მეცნ. აკად. გამ-ბა , 1955. - 72გვ.