თამარ თეთრაძე

დაამთავრა თბილისის თეატრალური ინსტიტუტი 1942 წელს; თბილისის სახელმწიფო უნივერსიტეტის ფილოლოგიური ფაკულტეტი 1953 წელს.

1942 წლიდან თბილისის კ. მარჯანიშვილის სახელობის სახელმწიფო აკადემიური თეატრის მსახიობია. მისთვის დამახასიათებელია სცენური მომხიბვლელობა, მაღალი საშემსრულებლო კულტურა. საუკეთესო როლები: გულთამზე და გვირისტინე (პ. კაკაბაძის "ყვარყვარე თუთაბერი" და "კოლმეურნის ქორწინება"), მაიკო ("ძველი ვოდევილები", წერეთლის "ბუტიაობა"), მაშა (ნ. პოგოდონის "კრემლის კურანტები"), ბიანკა, ოლივია (უ. შექსპირის "ჭირვეულის მორჯულება", "მეთორმეტე ღამე"), ლაურენსია (ლოპე დე ვეგას "ცხვრის წყარო") და სხვა.

 წყარო: თბილისი – ენციკლოპედია. – თბ., 2002 – გვ.541; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.273

• 2000 - ღირსების ორდენი
• 1999 - ღირსების მედალი
  ქვეყნის აღმშენებლობის, ქართული ტრადიციების განმტკიცებისა და მომავალი თაობების აღზრდაში შეტანილი პირადი დიდი წვლილისა და ნაყოფიერი მოღვაწეობისათვის
• 1976 - საქართველოს სახალხო არტისტი