ნიკოლოზ ხომიზურაშვილი

დაბადების ადგილი: ქ. თელავი.

დაამთავრა თბილისის სახელმწიფო უნივერსიტეტის აგრონომიის ფაკულტეტი 1925 წელს.

1925-1928წწ. მუშაობდა გერმანიისა და საფრანგეთის სამეცნიერო-კვლევით ინსტიტუტებსა და სასელექციო სადგურებში; 1929-1930წწ. თბილისის სახელმწიფო უნივერსიტეტის დოცენტი; 1932 წლიდან საქართველოს სასოფლო-სამეურნეო ინსტიტუტის მეხილეობის კათედრის გამგე; 1935-1936წწ. ამავე ინსტიტუტის პრორექტორი სასწავლო დარგში; 1940-1960წწ. კონტინენტური მეხილეობის კათედრის გამგე და სოფლის მეურნეობის ეკონომიკა-ორგანიზაციის ფაკულტეტის დეკანი; 1960-1971წწ. საქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტის დირექტორი. საქართველოში სამრეწველო მეხილეობის ერთ-ერთი ფუძემდებელი. დაამუშავა საყვავილე კვირტების ჩასახვა-განვითარების თეორია, შეისწავლა და იკვლევდა ხეხილის ზოგიერთი ჯიშის ციტოემბრიონოლოგიისა და ციტოგენეტიკის საკითხები და სხვა. ინსტიტუტის ბაზაზე მანვე შექმნა უნიკალური სამეცნიერო მუზეუმი. აგრონომ მებაღე. 

წყარო: ქართული საბჭოთა ენციკლოპედია, ტ. 11, თბ., 1987, გვ. 496

• საქართველოს მეცნიერებათა აკადემია, წევრ-კორესპონდენტი (1955-1971)

• 1966 - სოციალისტური შრომის გმირი
• 1946 - საქართველოს მეცნიერებათა დამსახურებული მოღვაწე

• პალმეტური მებაღეობა (ავტორი). - თბილისი, საბჭ. საქართველო, 1969. - 41გვ.
• მეხილეობა : სახელმძღვ. სას.-სამ. ინ-ტის მებაღეობა-მევენახეობისა და მებოსტნეობის ფაკ-ტის სტუდენტებისათვის (ავტორი). - თბილისი, განათლება, 1967. - 410გვ.
• მებაღეობა : სახელმძღვ. უმაღლ. სასწ. (ავტორი). - თბილისი, სახელგამი, 1932. - 288გვ.