
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გიორგი VIII (საქართველოს მეფე)

Legal name:	გიორგი ბაგრატიონი
Date of birth:	14??
Date of death:	14??
Category:	Royalty

Biography

საქართველოს მეფე 1446-1466წწ., კახეთისა(კახეთში - გიორგი I) —1466-1476წწ., ალექსანდრე I დიდის ძე; მის დროს, ძირითადად, დამთავრდა საქართველოს ერთიანი ფეოდალური მონარქიის სამეფო-სამთავროებად დაშლის ხანგრძლივი პროცესი; თავდაპირველად სამეფოს ჩამოსცილდა სამცხე-საათაბაგო; დასავლეთ საქართველოში გამეფების პრეტენზიით გამოვიდა სამოქალაქოს ერისთავი ბაგრატი, რომელმაც გიორგი VIII-ს ომი გამოუცხადა; ჩიხორის ბრძოლაში(1463) გიორგი VIII დამარცხდა; 1465 წელს სამცხის მთავარმა ყვარყვარე II ათაბაგმა გიორგი VIII ტყვედ ჩაიგდო; ამით ისარგებლა ბაგრატმა და 1466 წელს თავი საქართველოს მეფედ გამოაცხადა; ტყვეობიდან განთავისუფლებული გიორგი VIII 1466 წელს იძულებული გახდა კახეთს გასულიყო, რითაც დასაბამი მისცა კახეთის ცალკე სამეფოდ გამოყოფას; გიორგი VIII პირველი ქართველი მეფეა, რომელმაც თავისი მეფობის დროს ანტიოსმალური კოალიციის მოწყობის მიზნით ევროპაში გააგზავნა ელჩობა; ქართველი ელჩები ეწვივნენ რომის პაპს, საფრანგეთის მეფეს შარლ VII-ს(1422-1461), შემდეგ მის შვილს ლუი XI-ს(1461-1483), მაგრამ ელჩობას შედეგი არ მოჰყოლია, რადგანაც ევროპის ქვეყნებმა ოსმალეთთან მორიგება არჩიეს; გიორგი VIII-ის ერთ-ერთი ასული ბიზანტიის იმპერატორზე იყო დანიშნული, მაგრამ 1453 წელს თურქების მიერ კონსტანტინოპოლის აღებამ ეს გეგმა ჩაშალა.

წყარო: საქართველო: ენციკლოპედია: ტ.2. - თბ., 2012. - გვ.22