ივანე თიკანაძე

დაბადების ადგილი: სოფელი მაკვანეთი, ოზურგეთის მაზრა.

დაამთავრა პეტერბურგის სამხედრო-სამედიცინო აკადემია 1894 წელს.

საქართველოში დაბრუნების შემდეგ 9 წელი მუშაობდა ქ. ოზურგეთის ამბულატორიაში; 1907 წელს მეანობა-გინეკოლოგიაში დახელოვნების მიზნით კვლავ გაემგზავრა პეტერბურგში; პირველი მსოფლიო ომის წლებში იყო მოქმედ არმიაში. ომის შემდეგ დაინიშნა თბილისის სამხედრო ჰოსპიტალის მეანობა-გინეკოლოგიის განყოფილების გამგედ და ჰოსპიტლის მთავარ ექიმად. 1919 წელს თბილისის სახელმწიფო უნივერსიტეტის სამკურნალო ფაკულტეტზე მეანობა-გინეკოლოგიის კათედრის დაარსებისთანავე აირჩიეს კათედრის გამგედ, რომელსაც სიცოცხლის ბოლომდე ხელმძღვანელობდა. ივანე თიკანაძე სწავლობდა სასქესო ორგანოების ანომალიებს და ოპერაციული გზით მათი მკურნალობის წესებს, სასქესო ორგანოების სიმსივნეების ეტიოგენეზსა და მკურნალობას, ორსულთა ტოქსიკოზს, საშვილოსნოსა და მისი დანამატების ანთებით პროცესებს, უნაყოფობის პრობლემასა და სხვ. საშვილოსნოდან ატონიური სისხლდენის წინააღმდეგ დღესაც ფართოდ იყენებენ მის მიერ შემუშავებულ მეთოდს. საქართველოში დანერგა მრავალი მეან-გინეკოლოგიური ოპერაცია: გ. ღამბარაშვილთან ერთად პირველმა გამოიყენა რენტგენის სხივები მეანობაში. ნ. კახიანთან და გ. მუხაძესთან ერთად საქართველოში პირველმა გააკეთა ხელოვნური საშოს შექმნის ოპერაცია და სხვ. მეცნიერული მეანობის ერთ-ერთი ფუძემდებელი საქართველოში. მეან–გინეკოლოგი, მედიცინის მეცნიერებათა დოქტორი (1897), პროფესორი (1919).

სადისერტაციო შრომა - "Материалы о влиянии тиреоидина на всасываемость жира в здоровом организме", დაიცვა 1897.

წყარო: თბილისი – ენციკლოპედია. – თბ., 2002 – გვ.547; საქართველო: ენციკლოპედია: ტ. IV. -თბ., 2018. -გვ.69; ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.300

• კიევის მეან-გინეკოლოგთა საზოგადოება, საპატიო წევრი
• ჟურნალ "საბჭოთა მედიცინის" სარედაქციო კოლეგია, წევრი
• საქართველოს მეან-გინეკოლოგთა სამეცნიერო საზოგადოებია, თავმჯდომარე
• ხარკოვის მეან-გინეკოლოგთა საზოგადოება, საპატიო წევრი

• საქართველოს მეცნიერებათა დამსახურებული მოღვაწე

• შინაგანი სეკრეციის ჯირკვლები და მათი მნიშვნელობა ქალის სასქესო სფეროს პათო-ფიზიოლოგიაში : ექიმთა და სტუდენტთათვის (ავტორი). - თბილისი, საქბიომედგამის გამ-ბა და სტ., 1937. - 160გვ.
• მშობიარობის შემდეგ ატონიური სისხლის დენა და მასთან ბრძოლის საშუალებანი : კლინიკური მონოგრაფია. 28 სურათით ტექსტში. ექიმთა და სტუდენტთათვის (ავტორი). - ტფილისი, სახელგამის გა-მა, 1931. - 85გვ.