ვასილ ლიტვინენკო

დაბადების ადგილი: სოფელი საველიევკა, ქვემო ვოლგის მხარე.

1915 წელს სარატოვის ტექნიკუმის დამთავრების შემდეგ, სწავლობდა პოლიტექნიკურ ინსტიტუტში, პარალელურად, იყო სარატოვის ოპერისა და ბალეტის თეატრის მსახიობი; 1916 წლიდან ესტრადის მოცეკვავე; 1917–1921წწ. სარატოვის ოპერისა და ბალეტის თეატრის სოლისტი; 1921–1922წწ. სწავლობდა თბილისში მ. მორდკინის სტუდიაში; 1917 წლიდან მოსკოვის მუსიკალური დრამის(ყოფილი ზიმინის თეატრი), 1921–1924წწ. თბილისის ოპერისა და ბალეტის თეატრის სოლისტი; პარალელურად დაამთავრა თბილისის სახელმწიფო კონსერვატორია, პედაგოგი ე. რიადნოვი(ვოკალი); 1925 წლიდან იყო ბაქოს ოპერის თეატრის სოლისტი და ბალეტმაისტერი; 1926–1927წწ. მოსკოვის დიდი თეატრის სოლისტი, 1927–1931წწ.  ხარკოვის, 1931–1934წწ. კიევის ოპერის სოლისტი; ხარკოვსა და კიევში დააარსა და ხელმძღვანელობდა ქორეოგრაფიულ სტუდიებს; 1935–1947წწ. თბილისის ოპერის თეატრის სოლისტი, პარალელურად, რუსთაველის თეატრში ცეკვების დამდგმელი, ამიერკავკასიის სიმღერისა და ცეკვის ანსამბლის ბალეტმაისტერი(დ. ჯავრიშვილთან ერთად); შ. თაქთაქიშვილის ბალეტის "მალთაყვა" შექმნის მონაწილე, როგორც სპექტაკლის თანადამდგმელი და მთავარი როლის(რემი ახალკაცი) შემსრულებელი; ქართული რეპერტუარი: ჯარჯი(ა. ბალანჩივაძე "მთების გული"), რემი ახალკაცი(შ. თაქთაქიშვილი "მალთაყვა"); სხვა რეპერტუარი: ფები(პუნი "ესმერალდა"), ბაზილი(მინკუსი "დონ კიხოტი"), ვაკხი(გუნო "ვალპურგის ღამე"), ვაცლავი(ასაფიევი "ბახჩისარაის შადრევანი"); საოპერო და საბალეტო სპექტაკლებში ცეკვების დამდგმელი: გუნო "ვალპურგის ღამე", ჰალევი "რაქილი", პუნი "ესმერალდა"; საკონცერტო პროგრამები; ბალეტმაისტერი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 284

• 1941 - საქართველოს დამსახურებული არტისტი