გიორგი ალასტანელი

"პროვინციის მეფე", ძე ანდრონიკეს "პროვინციის მეფისა", დავით VIII-ის შვილიშვილი; მონღოლთა ბატონობის პირობებში საქართველოს ცენტრალური სამეფო ხელისუფლების დასუსტებასთან ერთად ალასტანელი უფლისწულები "გახელმწიფებას" ცდილობდნენ და "პროვინციის მეფეებად" იქცნენ, თუმცა გიორგის, როგორც ჩანს, სამეფო კართან კონფლიქტი არ ჰქონია; იგი დაიღუპა თურქებთან ბრძოლაში 1373 წელს; მეფე ალექსანდრე I დიდის მიერ მცხეთის სვეტიცხოვლისთვის 1433 წელს გადაცემული შეწირულების წიგნის მიხედვით, კათოლიკოს თეოდორეს გიორგი ალასტანელის სიკვდილის მაგალითით ლაშქარი გაუმხნევებია["ამა უსჯულოთა (აგარის) ნათესავთა ანდრონიკეს შვილი ალასტანელი გიორგი მოუკლავს და მრავალნი ქრისტიანელნი წამებითა აღესრულებიან"].

წყარო: საქართველო: ენციკლოპედია: ტ.2. - თბ., 2012. - გვ.24