ვახტანგ ჯაოშვილი

დაბადების ადგილი: დაბა ბელასუვარი, ბაქოს გუბერნია.

დაამთავრა ს. კიროვის სახელობის საქართველოს ინდუსტრიული ინსტიტუტის ქიმია-ტექნიკის ფაკულტეტი 1938 წელს; მოსკოვის უმაღლესი პარტიული სკოლა 1941 წელს.

ინსტიტუტის დამთავრების შემდეგ მუშაობდა ხელმძღვანელ სამეურნეო თანამდებობაზე; 1941-1945წწ. მეორე მსოფლიო ომის მონაწილე; 1953 წელს სამხედრო სამსახურიდან დემობილიზაციის შემდეგ, საქართველოს მეცნიერებათა აკადემიის ვახუშტი ბაგრატიონის სახელობის გეოგრაფიის ინსტიტუტის უფროსი მეცნიერ-თანამშრომელია; 1967-1977წწ. მოსახლეობის გეოგრაფიის ლაბორატორიის გამგე; 1978 წლიდან ეკონომიკური და სოციალური გეოგრაფიის განყოფილების ხელმძღვანელი. წლების მანძილზე იყო ინსტიტუტის დირექტორის მრჩეველი; აგრეთვე ეწეოდა პედაგოგიურ საქმიანობას, თბილისის სახელმწიფო უნივერსიტეტში კითხულობდა ლექციების კურს მოსახლეობის გეოგრაფიაში. მისი ნაშრომები ეძღვნება ეკონომიკურ გეოგრაფიას, მოსახლეობის და განსახლების გეოგრაფიას და ქალაქთმცოდნეობის საკითხებს. გამოქვეყნებული აქვს 200-ზე მეტი სამეცნიერო ნაშრომი, მათ შორის 12 მონოგრაფია; 1970 წელს მიღებული აქვს სსრკ გეოგრაფიული საზოგადოების სემიონოვ-ტიან-შანსკის სახელობის ოქროს მედალი. გეოგრაფიის მეცნიერებათა დოქტორი (1967), პროფესორი (1970). მისი სახელობისაა ჭიათურის მუნიციპალიტეტის სოფელ ნიგოზეთის საჯარო სკოლა. ეკონომ-გეოგრაფი. 

წყარო: ქართული საბჭოთა ენციკლოპედია: ტ. 11.-თბ., 1987.-გვ. 540-541; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.62

• საქართველოს გეოგრაფიული საზოგადოება, პრეზიდენტი (1980-1996)
• საქართველოს მეცნიერებათა აკადემია, წევრ-კორესპონდენტი (1983-)
• ქართული საბჭოთა ენციკლოპედიის მთავარი სარედაქციო კოლეგია, წევრი

• 1997 - ღირსების ორდენი
• 1993 - ვახუშტი ბაგრატიონის სახელობის პრემია
• 1978 - საქართველოს მეცნიერებათა დამსახურებული მოღვაწე
• 1971 - საქართველოს სახელმწიფო პრემია
• სამამულო ომის II ხარისხის ორდენი
• წითელი ვარსკვლავის ორდენი

• საქართველოს მოსახლეობა : ისტორ.-დემოგრ. და ეკონ.-გეოგრ. გამოკვლევა (ავტორი). - თბილისი, მეცნიერება, 1996. - 431გვ.
• საქართველოს სოციალურ-ეკონომიკური გეოგრაფია (ავტორი). - თბილისი, თბილ. უნ-ტის გამ-ბა, 1996. - 292გვ. . - ISBN: 5-511-00666-1
• ქუთაისი : ეკონ.-გეოგრ. გამოკვლევა (ავტორი). - თბილისი, მეცნიერება, 1989. - 373გვ.
• საქართველოს მოსახლეობა XVIII-XX საუკუნეებში (ავტორი). - თბილისი, მეცნიერება, 1984. - 278გვ.
• მოსახლეობის გეოგრაფია : სახელმძღვანელო სტუდენტებისათვის (ავტორი). - თბილისი, თბილ. უნ-ტის გამ-ბა, 1983. - 234გვ.
• ჭიათურა : ეკონომიკურ-გეოგრაფიული ნარკვევი (ავტორი). - თბილისი, მეცნიერება, 1979. - 114გვ.
• ბათუმი : ეკონომიურ-გეოგრაფიული ნარკვევი (ავტორი). - თბილისი, საბჭ. საქართველო, 1966. - 121გვ.