გიორგი III გურიელი

გურიის მთავარი 1664-1684წწ., იმერეთის მეფის 1681-1683წწ., ქაიხოსრო I გურიელის ძე; აქტიურად მონაწილეობდა დასავლეთ საქართველოს ფეოდალურ შინაომებში; სამთავრო შეინარჩუნა ოსმალთა მოხარკეობის ფასად; ახლო ურთიერთობა ქონდა ახალციხის ფაშასთან; საეკლესიო საქმეებში დასავლეთ საქართველოს კათოლიკოსის ნების შემსრულებელი იყო; 1681 წელს ისარგებლა იმით, რომ ახლად გარდაცვლილი იმერეთის მეფის ბაგრატ IV-ის შვილი მძევლად იყო ქართლში და დაიპყრო იმერეთის სამეფო ტახტი; 1683 წელს სულთნის ბრძანებით მეფობიდან გადააყენეს; მეფობის დაკარგვის შემდეგ შექმნა დასავლეთ საქართველოს მთავართა და მსხვილ ფეოდალთა კოალოცია იმერეთის მეფის ალექსანდრე IV-ის წინააღმდეგ, მაგრამ რიკოთის ბრძოლაში 1684 წელს დაიღუპა.

წყარო: საქართველო: ენციკლოპედია: ტ.2. - თბ., 2012. - გვ.26