გიორგი IV გურიელი

გურიის მთავარი 1711-1726წწ.(დროგამოშვებით), მამია III გურიელის ძე; 1711 წელს გურიელად დასვა მამამისმა, რომელიც მაშინ იმერეთის მეფე იყო; 1712-1714წწ. ტახტი წაართვა ძმამ ლევან გურიელმა; 1716 წელს გიორგი იმერეთში გაამეფა ჯარით შემოსულმა ახალციხის ფაშამ, მაგრამ მალე იძულებული გახდა გურიაში დაბრუნებულიყო; 1717 წელს გააძევა ძმამ - ქაიხოსრო III გურიელმა, თუმცა ოსმალთა დახმარებით ტახტი მალევე დაიბრუნა; იმავე წელს(1717) ბეჟან დადიანმა გააძევა სამთავროდან; ამჯერადაც მაშინვე შეძლო ძალაუფლების აღდგენა; გიორგი IV გურიელს ახლო კავშირი ჰქონდა ვახტანგ IV-თან და მისი შემწეობით ცდილობდა ოსმალთა მიერ მიტაცებული ბათუმ-ჩაქვის მხარეთა დაბრუნებას; მცდელობა უშედეგო აღმოჩნდა; 1723 წელს ოსმალებმა დაიკავეს ციხისძირის, ქობულეთის, შეკვეთილის, სეფისა და გრიგოლეთის ციხეები და გურია ზღვას მოსწყვიტეს.

წყარო: საქართველო: ენციკლოპედია: ტ.2. - თბ., 2012. - გვ.27